U - Euskaltzaindia

Beraz obeditzen hasi nintzen ene xorien errana;
xutitu manta eskutan eta zer da ikusten dudana?
Orai badakit zer zen lurretik eni pusaka arizana:
haritz onddo kasko beltz haundi bat azkarra eta leguna.
Onddoak haunditzen ari nihork ez omen ditu ikusten,
ez dakit hortan gezurra ala egia erraiten duten;
ez dut ikusi haunditzen ari, bainan hauxet dut erraiten:
pusa aldi bat ona hartuia dut batek emanik aurten.
Asko adixkide banuela ezagutu dut errexki,
etsaiak banituela ere ageri zen segur aski;
batzu ni ikusiz kontent kantuz eta xixtuz ar'izanki,
ta bestek aldiz pusaka eta desafioka ibilki.
Mundu huntan orok desberdinak ditugu gure usaiak,
eta nahi gaberik egiten askotan gure etsaiak;
adixkide onak izatiak ba'itu abantail nasaiak,
maluruski askok adixkide tugu bakarrik bisaiak.
66
(1976)