U - Euskaltzaindia

Herriko medikuaren zainpean egon arren, etzioten minbizia
sasoiz harrapatu eta horrek eraman zuen azkenean ere lurpera.
Jainkoagan fede sakona baitzuen, borondate onez onartu
zuen eritasun hilkorra, eta otoitzetan eman zituen bere azken
egunak. «Mixel dugu etxeko saindua -dio bere arreba Anne
Odile'k-. Ama hil zenean, bera izan zen Barstow'n aitaren
ondoan gelditu zena. Aita eritu zenean, berriz, egunero joaten
zitzaion ikustera, ezer behar zuen jakitera».
Behin, gaizki zegoen azken egunetan, Mathiew'k gortan
sartu zituzteneko behien istorioa gogarazi zion, eta gure
bertsolaria oroitzen ez. «Aita, etzera gogoratzen?» galdetu
zion Mathew'k. Laster aurpegian irriño bat ageri zitzaion:
«Bai, bai». Semeak irriño hura buruan itsatsia dauka gaur
ere.
Etxamendy'k bertsoz behin hauxe esan zuen: «Beti zor
dauka hiltzea sortzeak» eta berari ere heldu zitzaion eguna larogei-ta-zortzi
urterekin, 2002. urriaren 26n. Orduan ixildu
zen California'ko gure olerkaria, nekerik gabe kulturaren alde
aritu izandako gizon euskalzale eta musikaria. Munduan hiru
seme-alaba utzirik eta bost iloba: Renee eta Isaac Etchamendy,
eta Aaron, Matthew, eta Pilar Sanchez. Pedro hil eta
lau hilabetera jaio zen Elija Inouye Sanchez.
Anne Odile 'k dio bere aita gizon ona eta maitakorra zela
etaeuskaldunen artean bere lana ezagutzera ematea merezi
duela. Hain segur, hortan denok bat gaude.
20
Joxe Mallea Olaetxe
Center for Basque Studies/322
University of Nevada
Reno, Nevada 89557