U - Euskaltzaindia

Gobemutako enplegatuiak, bai eta buruzagiak,
horietan ere badira aunitz makurrerat itzuliak;
zuzen kontraka mahipetikan duzte diru emailiak,
Satan dabila hartan ere eme buru beharriak,
otoitz umilki zeruko J auna zuzent ditzazke guziak.
Tzarkeria itsusienetan jende klasa bat dabila,
estakurutzat emaiten dute politika ta gerrila;
bazterrak suntsi, jendiak ebats eta berdin uzten hila;
ez da dudarik Satan zaharra plana egile dutela;
Jainkoak ere zuzent ditzazke zuzent gaitzan eta barka.
Gerlako tresnak ari egiten bazter orotan metaka,
agerian ta gordeka; 1
leku batzutan ari jendiak gosiak hiltzen milaka.
zertako diren gauzak hain gaizki ez gaiten egon dudaka,
Jainkoari otoitz orok umilki zuzent gaitzan eta barka. 2
Ez har burian ontsa izana gure boterez dugula,
Jainkoarentzat berdinak gira nagusi ala mutila;
egun guziez gure mentura haren eskian dabila,
igortzen dauku bere laguntza merezi dugun bezala,
grazia galdatzen badiogu jarri ta umil umila.
Gure medioz Satan ari da bere uztaren jorratzen,
zemahi molde enseiatzen du, batere ez dut dudatzen;
gure J ainkoak gain hartarikan orori baitu behatzen,
arrima gaiten haren alderat, Satanek ez du tronpatzen;
urrikaltzeko hau aski zaio: umiliatu gaitezen.
1 Lerro huntan hitzen batzu falta dira.
(1974)
2 Zuzen gaitzan eta barka bertsu honen ondar hitzak; eta bai aintzinakoarenak ere.
Beheko bertsuarena ongi izango da; eta goikoarena makur, honek puntu edo errimarik
ez baitu egiten.
64