U - Euskaltzaindia

Emazte zenari
Airea (80)
Iduri du batzutan ez dela egia,
behar dela on hartu Jaunaren legia;
ilunpetan gabiltza galdurik bidia,
mundu huntako gauzez aunitz inbidia,
ahantzirik non dagon guzien Jabia.
Herioa Jaunaren mandatari dabil,
ez da lekurik nihon ez daikenik ibil;
nihor ohartu gabe badabila hurbil,
ihes ibiltzen gira nihork ez nahi hil,
bainan hark biltzen oro serio ta umil.
Bertsutan nere kausa emaiten hastian,
aitortzen dut nagola omore tristian;
herioak jo dauku etxeko atian,
ta andria ereman pentsatu gabian,
ginuena ororen gidari etxian.
Aitor dut mundu huntan ere zu, Mathilda,
aingeru bat zinela, nihor izan bada;
J aunari lagunt dezan, otoi, zuk hor galda,
hemen utzia duzun zure senar pilda,
eta zure ondorat hil ondoan alda.
Hurbilduak direla nire azken hatsak,
zu ikusiz joaiten hartua nau lotsak;
elgarrekin in tugu munduko urratsak,
izan baitugu ere memento kiratsak,
otoi barka zerutik in dituztan hutsak.
83