U - Euskaltzaindia

Orroitzen zira, Pedro, Luzaideko plazan
zer denbora goxoak ditugun iragan;
zure beso artean nindagoenean,
gazte guziak dantzan gure itzulian,
hobeagorik ez da izanen zerian.
Saldu ninduzularik konprenitu nuen,
neretzat denborarik ez baitzen gelditzen;
familiaz zinuen osoki pentsatzen,
bizi berri batean hasiak zinezten,
haur goseak ez dira musikaz bazkatzen.
Orai dutan jabeak zinez nau maitatzen,
zeren ni ikusi ta zutaz da orroitzen;
ni berekin atxikiz hasi da ohartzen
bihotz bat gorputzatik duela berexten,
elgarretaratuz gaitu betikotz osatzen.
Haurrak nola nahi duen a1tzo bat goxoa,
zurean izaiteko da nere asmoa;
Udiriko semea Ondarrolakoa,
lagunik hoberena, bihotz onekoa,
otoi eman nezazu zurekin etxera.
160
Bihotzaren erditik
Mike Bidart