U - Euskaltzaindia

Chino'ko Euskaldun Klubak agur deneri
Airea: Airea: (32) edo (115)
Euskaldunek badugula beti atxikimendu elgarri,
iduri luke hark gaituela egun Chino 'rat ekarri;
egun meza hunen entzutia hain zeraut loriagarri,
hor ikusten da fedearentzat gaude gose ta egarri,
Chino 'ko klubaren partez dener dauzuet ongi etorri.
Euskaldunak alde orotarik baditugu egun jinak,
alde guzietan bizi bainan bihotzez oro berdinak;
baditaizke ere batzu hemen euskaldunak ez direnak,
adixkidantzak zalu egiten euskaldunen bihotz onak,
eta arrotzak izan eta're adixkide tugu denak.
J ainkoari galdatuz grazia eta besta bat onesta,
meza sainduño hau zelebratuz ongi has ten dugu besta;
gero ongi jan ta ongi edan ta gaiten oneski josta,
ohorezki bestak egitia euskaldun usaia baita,
Chino 'k zabalik uzten du dener berriz itzultzeko borta.
Aita Etcheverry'rentzat dago gure besta hau berria,
San Franziskotik gu laguntzerat hemen dugu etorria;
otoitz egile kartsua eta kantari xoragarria,
ohoratzen dauku gure besta eta gure aberria,
agian luzaz egoinen zauku gure artean jarria.
172