U - Euskaltzaindia

Akordeonak Pedro Juan-eri
Mike Bidart'ek Pedro Juan Etxamendy'ri
Airea: (74)
(2001. martxoaren 6n Chino California'ko Mike Bidart'ek bertso
hauek igorri zizkidan, erranez, bera etzela bertsolari baina bazuela
bertso hauek paratzeko arrazoirik. Berak azalduko digu arrazoi
hori zein den. Rain zuzen, Bidart ez da bertsoetaz ezjakina
-hori irakurleak ere ikusiko du- eta zenbait urtez bera izan zen
gai-jartzailea Gardnerville, Nevadan, urtero ospatzen den Kantari­
Bertsolari Egunean. Bidart abokata ta euskalzale sutsua dugu eta
euskaraz ari denean gutxik antzemango diote Californian sortua
dela. Rorrez gain, soinua xarmanki jotzen du eta euskal kantuen
zale ere bada. Bidart P. J. Etxamendy'ren adiskidea zen eta ixtoriotxo
bat kondatu zidan, lehen ere aipatu dutana. Etxamendy bertsolari
ez-ezik musikari eta soinu jotzaile zela, eta bazuela ltaliako
soinu garesti bat. Behin soinua saldu beharra izan omen zuen, eta
Bidart'ek berak erosi. Bertso hontan soinua (esku-musika) Etxamendy'rekin
mintzo da.)
Agur eta egun on, Pedro Juan maitea,
nere bihotz erdiko nagusi zaharra;
otoi barka nezazu gaurko ausartzea,
gomita ukan gabe hola agertzea,
zurekin gabe nintzan trixterik jarria.
Ontsa ikusten zira laurogoi urtetan,
nik aldiz ez dut berdin zahartzea jasan;
zortzi hortz galdu ditut nunbait erortzean,
jabeek ez bainaute beti kasu eman,
nahiko nintuen galdu zure eskuetan.
159