Chioviri di Venniri Santu - alphonse doria

12
-I scoli fannu caru cugnatu!-
Don Carlu era chiddu chi sparava i cannunati ma i fucilati di patri
Spirdu jvanu a signu comu un cecchinu. Quannu Pasquali s‟jcà cu
Sasà e ci cuntà a discussioni di Funtanagranni, chiddu addivintà
un cifaru, a varbazza parsi di spini e l‟occhi si ci addumaru di kiù,
cu ddu parlari ca mittiva a lingua „nmezzu i denti nna li essi e ogni
tantu ci partiva u sputazzu ca puntualmente l‟acchiappava nn‟a
facci ci fici na veru predica.
-Ci ajvatu a diri ca nautri „un circamu l‟amuri, a carità, a pietà,
natri circamu u giustu, chiddu ca ni tocca c‟u nostru travagliu,
natri pietà „un nni volemu di nuddu, pirchì spissu sta carità, sta
pietà, è chiddu chi n‟hannu arrubbatu, pagannuni kiù picca di
chiddu chi nni duvivanu. Vulemu a giustizia sociali, po‟ pi l‟amuri
si vidi… Anchi nautri poviri jurnatara avevmu l‟orgogliu d‟essiri
omini comu a tutti l‟autri!”
-Vi fazzu avvidiri a casa.-
-Ma cos‟è questo buon odore?-
-Spurnaru u pani, emucci!-
A cumpagnia jì versu u furnu.U zzu Mariu piglià u bellu pupuni
caudu caudu u taglià e u cunzà cu ogliu, sali e spezii.
-A me un pezzettino!- Racummannà patri Spirdu, mentri don Carlu
s‟affirrà mezzu pupuni e ancumincià a sgranucchiari. Mentri
mangiava isà l‟occhi a u celu pi comu aggradiva ddu pani. Si
vippiru u‟ muccuni di vinu e s‟alluntanaru di dd‟agnuni di
tentazioni, ca quannu unu si metti a ganga „nfarina cu u pani „un si
finisci chiù. Pi don Carlu fu comu jttari na guccia d‟acqua nni u‟
vurcanu, si ci arrisbiglià na fami ca avissu datu muzzicuna puru
nn‟u cozzu a Pasquali ca ajva dda carni cuciuta di u suli. Camina
ca camina u diavulu vozi ca si „nbatteru nni d‟agniddazzu
scannatu a sculari.
-Oh! Poverino, che fine ha fatto? Chissà come era bello quando
belava per il prato? E come poi piangeva prima di ucciderlo?
Poverino… innocente animaletto…- Don Carlo pariva ca
ammumentu chiangiva e l‟occhi ci addivintaru luccichi e u