Chioviri di Venniri Santu - alphonse doria

48
La storia putroppu „un finisci accussì
Ca ni lu millottucentuottantatrì
Na ddragunera cu tutt‟a forza l‟abbattì.
Purtati li pezzi a la Grazia fu rifatta
Puru a cappella cu tantu di porta;
N‟ogni misi di marzu, data esatta,
Na missa ogni venniri ci fu fatta.
Pari fantasia ma pi falla curta
Na lu novantadui fu arrè distrutta
L‟opira fu affidata a li Marinisi
N‟u novantacincu a dritta si rimisi,
n‟u novicentudeci fu arrè tra i disi
p‟„u‟ curriri priculu i siculianisi.
Ora pi vuluntà l‟opira affidaru
Dopu ca quinnicianni sani passaru
A „Ntoni Gaglianu gran mastru firraru.
Fu chiù forti d‟u ventu, iddu: Cuffaru!
A storia cuntinua di lu Carvariu
E m‟addumannu: è vuliri di Diu,
Oppuru, u tuttu ni veni dall‟ariu? [1]
„RRESTA L‟ESEMPIU
DI
GASPARU VELLA
Siculiana, 1925
„Ntoni Gaglianu di Siculiana
fici a cruci cu gran „ntilligenza,
a manu d‟opira ha statu senza grana,
si vitti ca fu un omu di cuscenza.
Travagliava duminica e simana,
l‟haiu vistu ju stessu di prisenza.
Ogni annu nni sta cruci si cci acchiana,
„rresta l‟esempiu, ognunu ci penza.
A CRUCI PERSA
DI
Alphonse Doria
Siculiana, 14 sett. 2004
Cu i finanziamenti d‟a Regioni
Fu fattu u novu carvariu
„un si nni fici prucissioni
picchì all‟annu „un cumplitaru
l‟arcipreti e i fedeli cu dispirazioni
chiancivanu a vecchia cruci c‟allavancaru