Chioviri di Venniri Santu - alphonse doria

14
-Jticci, pi nautri „un manca!- Dissi chiangennu e pintutu
amaramenti, u zzu Mariu!
-Vi fazzu a vidiri comu si cucina l‟agneddu!- Cuntenta a zza Nora.
Pasquali s‟addumannava unni jì a finiri tutta dda pietà d‟u parrinu
pi l‟agnedduzzu?
Si misiru tutti e dui „ncapu a cincucentu e purtannusi narrè na
nuvula di pruvulazzu scapparu pi la stratella.
-Hanna a jri a Giurgenti, hanna a truvari a u viscuvu, s‟ava a
cummingiri a farcici sta carta, hanna a turnari, atru chi ddu uri…
U sa chi ti dicu Pasquà natri facemunillu u maccicuni ca po si
vidi.-
Tempu ca si misiru u‟ pezzu di tumazzu mani e tecchia di pani du
avulivi, quattru feddi di milinciani sutt‟ogliu, tempu ca si vippiru
du bicchera di vinu, e si stujaru u mussu arridennu tutti du comu
du minchi allegri, ca sinteru strummittuniari allegramenti „ncullina
a cincucenti di ritornu cu patri Spirdu chi svintulava u‟ pezzu di
carta fora u finistrinu. U zzu Mariu e so‟ cugnatu si taljaru
amminchialidduti tra occhi e occhi:
-Quantu tempu passà, Pasquà?-
-Na mizzurata si e no!-
Tutti ci eru a postu di machina e l‟addevi ci ficiru alè pi la
cuntintizza.
-Il Signore ci è venuto in contro e quando siamo passati dalla
Matrice, abbiamo avuto la lieta notizia che sua eminenza era in
visita del vostro arciprete.- Dissi cu cori don Carlu.
-E molto benevolmente ci ha fatto subito la dispensa, augurando a
tutti, anche a voi, un buon pranzo e una felice Santa Pasqua.-
Patri Spirdu mustrà dda carta svintuliannula nni l‟ariu e
„nghiutticannula s‟a sarbà sutta a tonica.
A zza Nora „un si smentì, cucinà d‟agneddu, è giustu ca si dici,
divinamenti. Ora mentri u zzu Mario e Pasquali eranu saziati „un
pottiru dari funnu comu si duviva. Don Carlu parsi u lupu prontu a
sbranari cu ci livava d‟agneddu di sutta a iddu. Patri Spirdu gradì
cu moderazioni. Si fici dda Pasqua di Sabatu Santu. Ma u zzu