Chioviri di Venniri Santu - alphonse doria

22
Matri. E supra quali cruci? E fu nni stu tri ca circannu circannu
appressu a sacristia nni u‟ stanzuni ora mezzu allavangatu unni
l‟arcipreti Cuva ci ajva fattu na specia di oratoriu cu bigliardina e
tavulina ca nn‟u‟ muru c‟era na cruci. Fofò happi chiaru a la
memoria quannu c‟u zzu Paulu armati di pompa abbiancaru i
mura. L‟arcipreti ci hajva dittu d‟abbianchiari puru a cruci in
modu ca si cumpunni c‟u muru. E accussì si fici, Fofò a la pompa
a pumpiari e u zzu Paulu a spruzzari. Ora l‟arcipreti R., prontu a
vidiri la manu di Diu n‟ogni cosa, dissi cu vuci tunanti:
-Viditi comu u Signuri ni fici truvari a cruci?
-‟Un sulu, viditi chi cugnintura… è propriu chidda c‟abbiancavu
quann‟era carusu!
C‟eranu puru Santu e Totò meravigliati di dd‟ajutu d‟u Signuri.
Allura si misiru pronti p‟jsalla di li chiova a elli ca la trattinivanu a
u muru.
-Min… a cca pisanti è!” Scattià Fofò.
-Mittemucci tutti a forza „nzemmula a u me tri- Dissi Santuzzu
sempri prontu cummintu d‟i so fatti. -Unu, dui e tri!
Prrr!!! Quarcunu detti sfogu d‟aria pi narrè!
-Adasciu!- Cunsiglià l‟arcipreti.
Santuzzu cummintu sempri d‟i so fatti:
-Pruvamu arrè!
-A ca pruvari arrè, ca ci voli l‟aiutu! U Signuri n‟avissi a mannari
quarcunu ad aiutarini.
E chi fu? Parsi ca u Signuri sintì ddi paroli. Ni na ditta e u‟ fattu
s‟arricampà Micheli, Pitrinu e autri dui ca nun c‟è ricordu cu su.
Dda cruci fu sullivata e purtata fora.
-Ora è travagliu miu, comu l‟abbiancavu ora la carteggiu.- Dissi
Fofò.
-L‟ama a purtari a so culuri originali!- Cuntinuà Santu.
Accussì si misiru a l‟opira, tanti taliavanu. Carteggia carteggia di
cca e di dda. Quannu comu pi magia si rapì u‟ purtidduzzu e niscì
na pirgamena. Fofò „un si nn‟ajva addunatu, quannu unu d‟i
curiusi „ntunnu ci addumannà: