Chioviri di Venniri Santu - alphonse doria

18
-Grazi, fazzu di lu me megliu.-
Don Paolu taljava ddu crucifissu ca ajva pirtusa sutta la chianta d‟i
pedi, nna u ciancu, era, cu viritati, riduttu mali.
-Ci nn‟è travagliu!-
-L‟affidamu a li so mani e a la so maestranza!-
Ddi fimmini si ci misiru davanti ricitaru u‟ patrenostru e facennusi
u signu d‟a cruci ci mannaru vasati, cu a testa calata si nni jeru.
Don Paulu, arristatu sulu, ancumincià a studiarisi u da fari e
accussì ancumincià a pripararisi u jssu nna u bagliolu a cazzola,
l‟acqua e i pezzi di tila pi „nzuppalli nna u jssu p‟attuppari ddi
pirtusa, a manu a manu ancuminciari a rifiniri cu a carta vitrata e
po‟ a la fini passari a la pittura. Già ajva nni a testa comu fari. Era
iddu e ddu crucifissu nni ddu stanzuni. Iddu ormai era praticu e
tanta „mpressioni „un ci nni faciva, p‟iddu era travagliu. Piglià u
pinzeddu e ancumincià a scupittiari, po‟ cu na pezza pigliata
d‟umitu ancumincià a livari quarche lurdia „ntartariata. Mentri
faciva stu travagliu s‟avvicinava a la facci e taliava d‟occhi
abbannunati, ddu duluri signatu, dda vucca, s‟isà a testa e u talià
tuttu longu. Ancumincià a pinzari i suffrimenti chi appa pruvari
comu omu, ci viniva „ntesta tutta a passata d‟u Signuri. Quannu si
girà pi ammugliari a pezza nni l‟acqua, ci parsi cu a cuda di
l‟occhi ca ddu crucifissu s‟arriminà…
“S‟arriminà? O „un s‟arriminà? App‟a essiri na me
„nprissioni…”
Pinzà tra iddu e iddu. Pi chistu quannu faciva sti travagli pinzava a
tuttu tranni cosi di chiesa. Si vutà di scattu comu vulillu cogliri di
supprisa, na vota e n‟atra vota ancora. Nenti! Fermu!
“Di certu foru l‟occhi chi mi jucaru!”
Arripiglià u travagliu e di lena finì di puliziallu, piglà na pezza
asciutta e ancumincià a stujallu. Ci stava stujannu a facci, quannu
a un parmu d‟u so nasu, vitti ca a testa di ddu crucifissu si spustà
di sinistra a destra comu diricci di no. Don Paulu satà all‟aria
facennu u‟ volu a u narrè. Ancora c‟a pezza „nmani taljava ddu
crucifissu stinnicchiatu tuttu jancu e ddu sangu ci parsi vivu,