Chioviri di Venniri Santu - alphonse doria

4
tiatru di pupi.” „Ngnaziu cu ddu mangiascinu „ntesta, nun lassava
largu a nenti e a nuddu. „Un era unu contru a Chiesa! Ma nun ci
appativa tuttu chiddu ca cu a vucca era na cosa e cu i fatti
all‟arriversu. Ci ammal‟appativanu tutti chiddi ca, comu si dici,
mangianu ostii e cacanu diavuli. Ancuminciava a „nchiariri, ma
senza voglia, parjva ca u suli ddu jornu ajva chiffari e tardava a
spuntari. Quannu ci fu tecchia di luci vitti du celu acchiummatu e
ci murì u cori. Si piglià a cartina ci misi u trinciatu e arrutulà, tirà
du sucuna e ddu fumu si nn‟acchianà pi l‟ariu. A muglieri
accumincià a sistimarisi a casa. U zzu „Ngnaziu stava na strata chi
porta a u carvariu unni si apri a porta d‟u dammusu e supra dava a
chianu terra cu n‟autra strata. 1 Mentri si gudiva dda sicaretta
aspittannu spiranzusu a n‟allargamentu di tempu, a costu d‟irisinni
cu a „nciratina, sintì ciliu a vanedda ca spunta nn‟a strata. Eranu na
quattrina di pirsuni cu u crucifissu „ncoddu, chiddu jancu cu i
grazza muvibili, arrutulatu nn‟u linzolu, ca comu ogni annu u
jvanu a sistimari sutta u carvariu. „Ngaziu pinzava: “opira di
pupi… arriva chiddu cu a cruci „ncoddu o trasinu jntra u carvariu
e nescinu chistu. I parrini u mettunu „ncruci e tutti a chiangiri e
prigari. Talja a chisti… Chi gana chi hannu? Si putivanu arristari
a casa, o jrisi a vuscarisi a jurnata… Ammeci…”
-Allistemuni ca stu tempu u mi piaci! – U parrinaru chiù anzianu ci
diciva a l‟autri du c‟hajvanu „ncoddu u crucifissu. Accussì a passu
spidugliatu scinnivanu e s‟ivanu avvicinannu. Quannu ancumincià
a stizziuliari. „Ngnaziu, si l‟arridiva pinzannu comu sti babbi
s‟hann‟a vagnari tutti quattru. Chiù s‟avvicinavanu a jddu chiù
„nfurzava a chioviri, finu a quannu, nni u‟ ditta e u‟ fattu, si truvà
tutta dda genti, cu ddu crucifissu „ncoddu, jntra a so casa. L‟acqua
cadiva manati manati, parsi ca si raperu i catarratti „ncelu.
„Ngnaziu ca si „un si livava si lu mittivanu sutta, comu si li vitti
jntra ci vinni di stizza diri:
-Chi mi purtati pirsuni ammazzati d‟intra a me casa?!
1 Via Calogero Callea, dove u zzu „Ngaziu (figliu) ha avuto l‟officina di maniscalco, ora non più operante perché in
pensione.