Chioviri di Venniri Santu - alphonse doria

24
„nterra a u carvariu. E propri nni dda data vistu ca chidda du
carvariu „un era pronta si fici chista autra di ricambiu, ca viniva
muntata n‟avanzi a chiesa di a Grazia. Po‟, na u 1925, mastru
firraru „Ntoni Gaglianu nni fici una di ferru, pocu ortodossa e nun
propriu comu li scritturi dicinu, pirchì „un era di lignu, ma fattu
sta c‟arrisistì finu a i tempi nostri. L‟intemperi „un ci pottiru a
pulitica si! E nna u 2004 fu jttata tra li disi, dicennu ca ajva
arrugiutu, i Siculianisi si truvaru senza cruci a u carvariu n‟autra
vota. Dda cruci di mastru „Ntoni oramà si persi. Ora a u carvariu
c‟è na cruci tutta nova di lignu comu dici u Vangelu. Ma stu
Venniri Santu d‟u 2009 u chioviri chi fici nun pirmisi a funzioni a
u carvariu.
…
-Ora dicu ju, chi bisognu c‟era di fari tuttu stu macisteru? Si a
carta scritta era chiara: fu fatta pi ddu scopu, sarbata pi ddu
scopu e truvata p‟u stessu scopu. Unni è stu miraculu?- U zzu
„Nghiazziddu parlava cu animu.
-Foru tanti li cugninturi zzu „Ngnazzì!-
-Veru nn‟ha vistu stu carvariu ca c‟è na storia tanta!- Dissi u zzu
Mariu.
-„Nzumma u sapiti chi vi dicu: Ora itivilla a fari scattiari tutti dda
… ca scampà!-
Accussì finì dd‟assemblea e ognunu turnà a so casa, saziati e
allegri.
A la sira dda cruci ritruvata fu arrè adoperata, sta vota intra a
chiesa. Tutti eru a vittiru u Signuri „ncruci cu i propri muglieri e
salutannusi l‟unu cu l‟atru cu na isata di testa arricurdaru dda
cugnintura di u Venniri Santu di stu 2009.