Chioviri di Venniri Santu - alphonse doria

16
…
U zzu Mariu, dopu ca finì di cuntari, arristà tecchia su pinzeru a
testa calata pi ddu smaccu. U zzu Sarbaturi pi stracquari i cosi:
-Linghemu!
Vippiru fistanti.
-Facemu stu brindisi a l‟agniddazzu di Mariu!- Arridennu fici a
„ncarcata mastru „Ngnaziu.
-Ju cu i parrina „un ci haju tanta strittanza. –dissi u zzu Sarbaturi-
Ma a u nostru Santissimu Crucifissu ci haju na grandissima fidi,
pichì è cu viritati ca è miraculusu. E di ginirazioni a ginirazioni
l‟hamu sempri purtatu a u tri di maju. Ju ora lassavu u postu a me
figliu. Don Paulu diccillu quannu l‟ha tingiutu ca s‟ha misu a
chioviri…
-Veru è, ma u Crucifissu di Muntallegru è chiù miraculusu!- Dissi
seriu seriu u zzu Paulu tantu ca tutti si taliaru tra facci e facci,
comu diri: “e „un si nni sapi nenti?”
U CRUCIFISSU DI MUNTALLEGRU
U zzu Paulu I. ha statu un mastru finu nn‟a so arti di tingiri, „un
sulu di abbiancari mura e casi ma veri opiri di pittura. A Siculiana
ricurdannu l‟arti di li tempi passati ancora vennu chiamati pittura
puru l‟abbianchini, comu chiamari i musicanti musicisti, senza
livaricci ca tra i musicanti ci ponnu essiri puru granni musicista.
L‟artigianatu nna i tempi passati era assà vicinu a l‟arti e u nostru
paisi prima di la migrazioni versu l‟estiru vantava di bravi maestri
artigiani d‟ogni sitturi: firrara, fallignama, muratura e pittura.
Mastru Paulu era spissu chiamatu di l‟arcipreti C. pi rituccari a
chiesa, e arrivà a farici fari puru ristauri nna i quadri, comu chiddi
d‟a via crucis chi ci sunnu a Matrici, operi di u XVIII seculu di
Politti(?). Ogni tantu rifaciva a cruci d‟a vara di u Santissimu