Chioviri di Venniri Santu - alphonse doria

2
-Ha chiuvutu anni a detru puru di Venniri e Santu!-
U zzu Mariu sbattennuci a spadda a Fofò, mentri u zzu
„Ngazziddu tistiava di mali manera.
-Talè ca „Ngaziu s‟arricorda quannu d‟annata chiuvì, cuntacci chi
succidì „!-
E zzu „Ngazziddu si misi a cuntari.
A CUGNINTURA
U zzu „Ngazziddu (patri e figliu si chiamavano u stessu) era u‟
tipu particolari, pirchì s‟ajva a fari pirsuasu nna li cosi senza ajutu
di nuddu. Travagliaturi ca „un pruvava fatica, a so campagna era
na zita. Qaunnu Mussolini passà di Siculiana, u zzu „Ngnazziddu
cuminà na cosa strana. Mentri tutti i pirsuni aspittavanu nna u
stratuni affuddati cca banna e dda banna, sutta surviglianza stritta
d‟u serviziu d‟ordini d‟i camici njuri cu i carrabunera, a u zzu
„Ngnazziddu ci vinni mangiascinu, no sutta a coppula e mancu
„ntesta, ma propriu jntra u ciriveddu. Ci mal‟appativa tutti ddi
pirsuni assuggittati di ddi quattru cretini d‟i cammisi niguri e
carrabunera. „Un ci piaciva, „un sapiva macari u pirchì, ma ci
mal‟appativa u stessu. Accussì ruppi a riga e si misi „nmezzu a u
stratuni.
-Che cosa fai? Togliti da lì!- Ci urdinà u‟ carrabuneri.
U zzu „Ngnazziddu arristà fermu unni era cu a coppula „ncarcata
„ntesta e i mani cunzerti. A so modu fu a manera di diri no!
-Togliti, non puoi stare! Togliti!
-„Nztu!- Isannu a testa comu i cavadda.
Peppi C., na cammisa njgura, u piglià p‟u grazzu e u purtà cu
l‟autri fora u stratuni, mentri si vidiva ca stava arrivannu a colonna
d‟i machini.
-Ti vo fari „nmestiri?
-Si, mi vogliu fari „nmestiri! Si unu si voli fari „mestiri „un è
patruni?
-Camina…- E lu misi a riga.