Chioviri di Venniri Santu - alphonse doria

20
Mentri prununcià sti paroli, c‟a stessa muglieri arristà di stuccu, ci
nascì u‟ pinzeri:
“E si u Signuri vidennumi accussì vigliaccu, trasfurmà u miraculu
nni na fissiria qualsiasi? Iddu po‟ cangiari ogni cosa, videmma
una viritati pi n‟autra!”
…
Don Paulu quannu cuntà stu fattu u fici cu smorfi e gesti ca fici
arridiri a tutti. E u so dubbiu s‟u tenì p‟iddu, „unn‟è pi paura di
essiri cunsidiratu criduluni, ma picchi è na cosa accussì bella ca è
un veru tesoru di tiniri ammucciatu e accussì pinzaricci nna i
momenti di scunfortu. Pinzari ca u Signuri ni voli beniri unu pi
unu.
-E chistu è u Crucifissu di Muntallegru!
Chiudì u discursu don Paulu, facennu ancora arridiri a tutti.
-U nostru Santissimu Crucifissu chiddu si ca è veramenti
miraculusu! -Rancuratu dissi u zzu Sarbaturi- Talè dopu stu cuntu
ci voli natru biccheri.
-Accussì cu i pedi d‟autru mi faciti jri jntra- Prutistà senza
convinzioni don Paulu. Lingheru ddu vinu ginirusu, ca ormai ci
ajvanu fattu u palatu e u gustu.
-U vidi Paulì macari tu „nsistissi a taljari e scuprissi u veru
misteru di ddu miraculu. E forsi nni tutti l‟autri miraculi si
s‟insistissi a taljari chiù affunnu si scuprissiru i mistera sutta.
Dissi u zzu „Ngnaziddu cu convinzioni ca piglià „un sulu u nomu
ma puru u ragiunari di so pà. A un certu puntu Fofò ca viviva e
manciava arridennu e scattiannu sulu quarche corpu di minchia si
nni niscì cu sta frasi:
-A fidi è fidi! E certi cosi si ponnu vidiri sulu cu l‟occhi d‟a fidi.”