Iiinjyea JQ I s-7 nre cona el - Ajuntament de Girona

Alfonsus, Dei gratia rex Aragonum, Valencie, Sardinie et Corsice ac comes Barchinone, dilecto et
fidelibus suis vicario, baiulo et iudici civitatis Gerunde, presentibus et qui pro tempore fuerint, vel eorum
locatenentibus, salutem et dileccionem.
Expositum nobis fuit pro parte iuratorum et proborum hominum civitatis Gerunde quod, cum iuxta
constituciones generalium Cathalo-nie curiarum ordinatum fuerit quod nos nec officiales nostri non
accipiamus seu habeamus aliquid per composicionem seu alium modum a malefactore, nec eiciamus eum
a capcione seu absolvamus a manuleuta, si manulevatus fuerit, quousque restituerit malefactam vel
assecuraverit ydonee ad cognitum curie illis quibus facta extiterit simul cum dampnis per eum datis, nec
accipiamus tercium seu habeamus inde aliquid quousque satisfactum fuerit illi cui dampnum datum fuerit
vel debitum sibi solutum, et intellexerimus vos non servasse ordinacionem predictam. Idcirco, admirantes
exinde, cum nos predictam ordinacionem ex iuramento teneamur facere observari, ad supplicacionem
dictorum iuratorum et proborum hominum nobis exibitam, vobis dicimus et mandamus expresse
quatenus, observando ordinacionem predictam, non accipiatis de cetero aliquid racione composicionis vel
alias quousque creditori vel iniuriato aut dampnum passo satisfactum fuerit in debito iniuria seu dampno
predicto iuxta constituciones predictas taliter vos habendo ne nos opporteat vobis scribere /297/ iterato,
alias vos et quemlibet vestrum de inobediencia taliter puniemus quod erit ceteris mandatorum nostrorum
contemptoribus in exemplum.
Data Dertuse, septimo idus septembris, anno Domini M° CCC° XXX° primo.
Subscripsit Iacobus.
a. D’una mà posterior: vide in folio CCCVII, B.
1331 setembre 18. Tortosa
109
El rei Alfons III encarrega a Guillem Bru, jurista de Girona, que procedeixi en defensa de la jurisdicció
de Sant Cebrià dels Alls i de Sant Climent de Peralta, que els predecessors del dit rei havien tingut
de manera plena, com ho havia encarregat a Ramon de Prat, jurista de Besalú, ara remogut del
seu càrrec i al veguer de Girona i Besalú, tal com ho assenyalen les cartes inserides.
A. Original lletra reial sobre paper, nº 52 (220 × 290 mm), en altre temps segellada, conservada a l’AHCG.
B. Còpia de A de principis del S. XIV conservada en el Llibre Verd , f. 297v-298v.
De la juridiccion de Sent Cebrian des s’Ays.
Alfonsus, Dei gratia rex Aragonum, Valencie, Sardinie et Corsice ac comes Barchinone, ffideli suo
Guillelmo Bruni, iurisperito Gerunde, salutem et gratiam.
Per aliam litteram nostram Raimundo de Prato, iurisperito Bisulduni, comissionem fecimus
infrascriptam: «Alfonsus, Dei gratia rex Aragonum, et cetera, ffideli suo Raimundo de Prato, iurisperito
Bisulduni, salutem et gratiam. Per aliam litteram nostram vicario Gerunde et Bisulduni, presenti et qui pro
tempore fuerit, mandatum fecimus infrascriptum: “Alfonsus, Dei gratia rex Aragonum, et cetera, dilecto
suo vicario Gerunde et Bisulduni, qui nunc est et pro tempore fuerit, vel eius locumtenenti ceterisque
officialibus nostris vel eorum locatenentibus, salutem et et cetera. Querelosam peticionem pro parte
proborum hominum parrochie Sancti Cipriani de Alleis vicarie Gerunde nobis exibitam suscepimus,
continentem quod nobilis Guilabertus de Crudiliis, cuius est locus Petrecisse, indebite et iniuste et in
diminucionem, ut asseritur, nostre iurisdiccionis nititur uti /298/ iurisdiccione civili et criminali in parte,
cognoscendo de modicis furtis et violenciis in hominibus et loco predictis, licet ad nos omnis iurisdiccio
alta et baxa et nulli alii competat tam in dicto loco sive parrochia quam in hominibus ipsius parrochie. De
quaquidem iurisdiccione predecessores nostri et eorum officiales fuerunt in posses-sione a tanto tempore
citra quod memoria hominum in contrarium non existit et nos nunc et officiales nostri sumus. Nos itaque,
volentes providere iuri nostro et tuicioni hominum predictorum, ad humilem supplicacionem predictorum
hominum, vobis et unicuique vestrum dicimus et expresse mandamus quatenus, si ita est, deinceps
utamini iurisdiccione predicta, tam in dicto loco sive parrochia quam in hominibus eiusdem, prout
predecessores nostri usi fuerunt et vos nunc utimini nec paciamini dictum nobilem vel alium nomine
ipsius noviter uti exercicio iurisdiccionis predicte. In predictis taliter vos habendo ne ob culpam seu
necligenciam vestri, ius nostrum valeat in aliquo deperire. Data Dertuse, XII° kalendas septembris, anno
subscripto.” Cum autem intellexerimus per ipsum nobilem Guilabertum predictam litteram veritate tacita
ac in ipsius preiudicium fore obtentam pro eo quia idem nobilis, ut fertur, consuevit habere
iurisdiccionem civilem in ipso loco ac esse in possessionem eiusdem, idcirco ad ipsius nobilis
supplicacionem humilem nobis exibitam, vobis comittimus et mandamus quatenus, vocato procuratore
nostro fiscali et aliis evocandis, de possessione dicte civilis iurisdiccionis tam de parrochie Sancti
Cipriani de Alleis quam parrochie Sancti Clementis /298v/ de Petraalta primitus cognoscatis et tam super
ipsa possessione quam super proprietate postea procedatis usque ad sentenciam quam nobis tenore
presencium duximus reservandam. Nos enim super hiis per presentes vobis comittimus plenarie vices