Iiinjyea JQ I s-7 nre cona el - Ajuntament de Girona

B. Còpia de A de mitjan s. XIV conservada en el Llibre Verd, f. 219-221v.
Emformacions de les coçes de la leuda de la ciutat de Gerona e que XXX coçes fan migera e
con se leva leuda per los leudés en la dita ciutat. a
Noverint universi quod die veneris intitulata kalendas decembris, anno Domini millesimo
trecentesimo quadragesimo sexto, comparuerunt intus curiam regiam Gerunde venerabiles Petrus de
Scala, Guillelmus Sunearii et Bonanatus de Tornavellis, iurati anni presentis civitatis Gerunde qui,
nomine suo et aliorum coniuratorum suorum, presentarunt ac per me Berengarium Mathalini, scriptorem
iuratum predicte curie, legi pecierunt et fecerunt venerabili Berengario de Sancto Celedonio, baiulo
Gerunde, quandam litteram regiam patentem et sigillo regio sigillatam, prout prima facie apparebat,
cuiusquidem littere tenor dinoscitur esse talis:
«Petrus, Dei gratia rex Aragonum, Valencie, Maioricarum, Sar-dinie et Corsice comesque
Barchinone, Rossilionis et Ceritanie, fideli nostro baiulo Gerunde, qui nunc est et pro tempore fuerit,
salutem et gratiam. Nuncius ad nostram presenciam destinatus per iuratos et probos homines civitatis
Gerunde nobis humiliter supplicavit quod cum dilectus noster, Bernardus de Burdillis, legum doctor, ex
comissione nostra perquisiverit ea et per quem modum lezda in dicta civitate solvi debet, et per
processum per ipsum factum ac per confessionem feudatoriorum recipiencium lezdam predictam et iuratis
predictis appareat de cuçolibus cum quibus lezda grani levatur, de qua capacitate esse debent predicta
nunc et frequenter recognosci facere dignaremur. Igitur dicta supplicacione benigne admissa, vobis
dicimus et mandamus quatenus predicta singulis annis una cum dicto Bernardo recognoscatis et
examinetis et examinari et recognosci faciatis frequenter eaque servetis et servari etiam faciatis ad
unguem sub forma et capacitate contenta in processu predicto et hoc aliquatenus non mutetis. Datum
Valencie, quintodecimo kalendas iunii, anno Domini millesimo trescentesimo quadragesimo sexto. Vidit
Iaspertus».
Et ipsa eadem die veneris et hora quasi in eodem instanti, supradicta littera fuit per dictum
venerabilem Petrum de Scala, iuratum, nomine suo et aliorum coniuratorum suorum, per me scriptorem
predictum lecta et recitata venerabili Bernardo de Burdil-/219v/-lis, legum doctori predicto, in eius
hospicio personaliter cons-tituto. Quaquidem littera per modum predictum predictis venerabilibus baiulo
et Bernardo de Burdillis, legum doctori, presentata, dicti venerabiles iurati requisiverunt ipsos quod
dictam litteram et contenta in ea observent et faciant inviolabiliter observari et ipsi venerabiles baiulus et
Bernardus de Burdillis, legum doctor, responderunt quod ipsi cum omni reverencia erant parati mandatum
regium supradictum effectualiter cum reverencia in omnibus et per omnia adimplere tociens quociens per
venerabiles iuratos fuerint requisiti. Postmodum vero die veneris, intitulata octavodecimo kalendas
ianuarii, anno Domini predicto, instante et requirente venerabili Petro de Scala, nomine quo supra et
nomine etiam aliorum coniuratorum suorum, venerabiles baiulus et Bernardus de Burdillis, legum doctor,
predicti, volentes et considerantes rite et iuste procedere in predictis, volentes etiam et cupientes mandatis
regis in omnibus obedire, iusserunt diem assignari venerabilibus iuratis et Guillelmo Bayerii et Guillelmo
Granelli, locumtenentibus venerabilis Bernardi Berthoni, procuratoris regii in gubernacione Gerundensi,
si sua putaverint interesse ad comparendum coram ipsis per Bonanatum Ioffridis, sagionem baiulie
Gerunde, ad diem sabbati proxime. Quiquidem sagio, rediens quasi incontinenti, dixit predictam
assignacionem fecisse venerabilibus Petro de Scala, Bonanato de Tornavellis et Petro de Columbariis,
iuratis, et Guillelmo Bayerii et Guillelmo Granelli, nominibus quibus supra.
Qua die sabbati predicta, intitulata septimo decimo kalendas ia-nuarii, anno Domini predicto,
coram venerabilibus, baiulo et Bernardo de Burdillis, legum doctori, b comissariis supradictis, comparerunt
Guillelmus Bayerii et Guillelmus Granelli, locumtenentes venerabilis Bernardi Berthoni, procuratoris
regii in gubernacione Gerundensi, prout dixerunt, ex una parte, et venerabiles Petrus de Scala, Bonanatus
de Tornavellis, iurati predicti, nominibus propriis et aliorum coniu-ratorum suorum, ex altera. Qui
venerabiles iurati, nominibus quibus supra, requisiverunt supradictos dominos comissarios, prout iam
super ipsos requisiverant, ut mandatum regium supradictum compleant et exequantur iuxta ipsius littere
seriem et tenorem. Et dicti venerabiles Guillelmus Bayerii et Guillelmus Granelli, nominibus supradictis,
dixerunt quod placet eis ut predictum mandatum regium supradicti domini comissarii faciant et
exequantur iuxta formam eis traditam in littera supradicta. Et hiis peractis, supradicti venerabiles iurati
requisiverunt Raymundum Viaderii, notarium Gerunde presentem, ut fidem faciat de processu in
supradicta littera regia contento venerabilibus comissariis supradictis /220/ penes quem notarium erat
processus predictus. Quiquidem notarius incontinenti exhibuit et produxit coram predictis comissariis
quendam processum qui habitus fuit, ut asseruit, pro predictis in posse venerabilis legum doctoris
predicti. Qui pro-cessus est forme maioris et qui incipit anno Domini millesimo CCC° vicesimo quinto,
die lune, qua legebatur terciodecimo kalendas iunii. Quibus prehabitis, supradicti comissarii assignarunt
diem supradictis iuratis et locatenentibus procuratoris regii supradicti, ut sint presentes, si sua putaverint
interesse ad recognoscendum predictos consulos sive coçes ad diem lune proxime.