Iiinjyea JQ I s-7 nre cona el - Ajuntament de Girona

vel aliam quamcumque imposicionem seu consuetudinem, novam vel veterem, statutam vel statuendam,
aut aliud quodcumque ius, seu servitutem realem vel personalem, aut mixtam que dici, nominari vel
excogitari possit, nobis vel successoribus nostris aut quibuscumque aliis nomine nostro et nostrorum dare
aut solvere teneantur immo ab ipsorum omnium et cuiuslibet eorum prestacionibus sint semper in regno
predicto et locis ac insulis ei adiacentibus, franchi, exempti, perpetuo liberi et immunes. Concedentes
nichilominus eidem universitati ac civibus et habitatoribus eiusdem civitatis et singulis eorum,
presentibus et futuris, quod de regno predicto Sardinie et Corsice et insulis ac locis eidem adiacentibus
possint extrahere, emere et vendere a quibuscumque franche et libere et absque impediemento et
prestacione cuiuslibet servitutis vel iuris impositi vel imponendi ibidemque immittere seu apportare
frumentum et omne aliud genus bladi, vinum et quecumque victualia et omnes alias res et merces absque
impe-dimento nostro et nostrorum ac officialium et successorum nostrorum ipsaque victualia, res et
merces carricare et discarricare sine aliquo albarano, nec licencia, seu mandato nostri vel successorum
nostrorum aut officialium nostrorum, seu ipsorum successorum nostrorum, ob-tenta vel etiam expectata.
Volentes etiam civitati predicte et eius habitatoribus inperpetuum ampliorem gratiam facere, concedimus
eisdem per nos et nostros quod super rebus seu mercibus quas in insulis seu locis /39/ dicti regni nostri
Sardinie et Corsice immiserint seu inde extraxerint per se vel negociatores suos credatur ipsorum civium
vel suorum negociatorum ipsas res seu merces immittencium seu extrahentium quod sint sue vel
concivium suorum et non alterius proprio iuramento. Promittimus insuper per nos et nostros et iuramus in
anima nostra per crucem Domini nostri Ihesu Christi et eius sancta quatuor Evangelia, in presencia nostra
posita et manibus nostris corporaliter tacta, quod predicta omnia et singula tenebimus, com-plebimus et
observabimus et teneri, compleri et observari inviolabiliter faciemus et non contraveniemus nec aliquem
contravenire permittemus aliqua racione. Mandantes per privilegium nostrum procuratoribus, baiulis,
lezdariis, pedagiariis et quibuslibet aliis officialibus nostris quocumque nomine eos nominari contingat
quos per nos et nostros in dicto regno et singulis locis eius preponi seu ordinari contingat quatenus dictis
civibus et habitatoribus predicte civitatis Gerunde et singulis eorum ac rebus, mercibus et bonis suis,
franchitatem, libertatem et immunitatem predictas teneant tenaciter et inviolabiliter observent et contra
eas vel aliquas earum ipsos, vel bona eorum nullatenus impedire, molestare seu agravare presumant, sicuti
de nostri vel nostrorum gratia vel mercede duxerint confidendum. Quod si secus temerarie fecerint iram et
indignacionem nostri et nostrorum se noverint incursuros et nichilominus pena mille morabatinorum auri
nostro erario confiscanda absque remedio aliquo punientur. In cuius rei testimonium et memoriam
sempiternam presens privilegium nostrum inde fieri iussi-/39v/-mus bulle nostre plumbee munimine
insignitum.
Datum Barchinone, duodecimo kalendas octobris, anno Domini millesim trecentesimo vicesimo
secundo.
Signum (signe reial) Iacobi, Dei gratia regis Aragonum, Valencie, Sardinie et Corsice ac comitis
Barchinone.
Testes sunt infans Petrus, domini regis filius, comes Rippacurcie, Poncius, Barchinone episcopus,
Guillelmus de Montecatheno, Raimundus, Valencie episcopus, Guillelmus de Angularia.
Sig+num Ffrancisci de Bastida, predicti domini regis scriptoris, qui de mandato ipsius hec scribi
fecit et clausit cum litteris rasis et emendatis in secunda linea testium ubi dicitur “domini regis filius,
comes Rippacurcie”, et alibi ubi dicitur “Guillelmus de Montecatheno”».
Idcirco, ad supplicacionem dicte universitatis nobis exhibitam, vobis et cuilibet vestrum dicimus et
expresse mandamus quatenus quisque vestrum in districtu suo predictam privilegium et contenta in eo
observetis universitati dicte civitatis et omnibus et singulis civibus et habitatoribus ipsius ac bonis eorum
in omnibus et per omnia iuxta iamdicte carte nostre continenciam et tenorem, sic super hiis vos habendo
quod ipsa universitas seu singulares eiusdem, nullam iustam de vobis pro predictis habent materiam
conquerendi. In quorum testimonium sigillum nostrum appendicium hic iussimus apponendum.
Datum Barchinone, pridie kalendas marcii, anno Domini millesimo trecentesimo sexto.
Subscripsit Guillelmus.
1327 abril 22. Barcelona
76
Jaume II mana al veguer de Girona que les constitucions de pau i treva siguin observades al comtat
d’Empúries i a tot Catalunya a propòsit d’una agressió comesa contra Pere Rau i Francesc
Alemany del lloc d’Albons, homes propis d’En Bernat d’Orriols, cavaller, per homes d’Empúries.
[A]. Original perdut.
B. Còpia de principis del s. XIV conservada en el Llibre Verd , f. 279-280.
Que les constitucions de pau e de treva han loc en lo comtat d’Empúries e per tota
Cathalunya.