Iiinjyea JQ I s-7 nre cona el - Ajuntament de Girona

vel de facto nuncupentur et tam nostri dominii quam alterius cuiusvis dominacionis existant, et hoc
intellegatur sive dicte persone delinquant in caminis sive viis publicis aut alibi in quacumque parte dictorum
loci et ville ac parrochiarum predictarum et terminorum earumdem delinquerint sive in aliis partibus
quibusvis ipsorum terminorum et territoriorum eorumdem nulla excepta, ita quod amodo vicarius et
subvicarius Gerunde, qui nunc sunt vel pro d tempore fuerint, vice et nomine vestri dictorum iuratorum et
universitatis dicte civitatis Gerunde, et locatenentes eorumdem, de consilio alicuius iudicis per vos assignandi
ex speciali comissione, quam per vos dictos iuratos nomine dicte universitatis eis, scilicet vicario et subvicario
ac iudici et cuilibet eorum fieri volumus perpetuo, coniunctim vel divisim, pretextu huiusmodi vendicionis
possint libere et imperpetue in dictis loco et parrochiis ac terminis et pertinenciis earumdem ac in quibuscumque
partibus voluerint, dictis mero et mixto imperio ac omni alia iurisdiccione, alta et baxia, maiori
vel minori ac civili vel criminali aut mixta quocumque nomine de iure vel de facto nuncupetur usibus seu
usanciis et consuetudinibus eorumdem, uti quibus dictus dominus rex aut iidemmet vicarius et subvicarius pro
dicto domino rege aut suis, antiquis temporibus et retroactis, uti consueverant et debebant ipsasque totales
iurisdicciones e libere exercere ne crimina seu excessus aut delicta remaneant, sicut nec debent, ullatenus
impunita. Nos enim ad omnis dubitacionis materiam sublevandam volumus et concedimus, nominibus quibus
supra, quod vos, dicti iurati, qui nunc estis vel pro tempore fueritis, in civitate Gerunde possitis unum vel
plures iudices in predictis per vos ipsos eligere, assignare et deputare, de cuius consilio iidem vicarius et
subvicarius cognoscere et procedere habeant in predictis et aliis quibusvis intra predictas villam et vallem et
parrochias comitendis et ut de mero et mixto imperio et totali iurisdiccione, ut predicitur, vobis vendita
omnibus et singulis notorie patefiant, volumus et concedimus auctoritate preinserte nobis tradite potestatis et
ex pacto inter /150/ nos et vos inhito et comprehenso, quod vos, dicti iurati, nomine dicte universitatis civitatis
Gerunde, possitis et licite valeatis si volueritis erigere et erigi ac construi facere per quemcumque malueritis
semel et pluries et quocienscumque volueritis, perpetuo, furchas, costella, partitas et alia signa lapidea vel
fustea, merum et mixtum imperium et omnimodam iurisdiccionem, ut pretangitur, denotancia et significancia
et in illis et alias iidem vicarius et subvicarius, nomine vestro et dicte universitatis, possint et valeant
malefactores, criminosos et alios culpabiles ultimo suplicio condempnare, fustigare, cruce signare,
encarcerare, nares, pedes et alia membra auferre et privare et relegatos exulare, bona delinquencium in
casibus quibus possit fieri de iure comuni aut municipali aut alias confiscare ac vobis dictis iuratis universitati
aplicare et quovis alio punicionis et f condempnacionis genere punire, prout eisdem vicario et subvicario et
eorum iudicibus ac assessoribus quos similiter in omnibus et singulis assignare et deputare possitis, ad nostri
libitum voluntatis visum fuerit faciendum iuxta criminum, delictorum et excessum qualitatem et prout
quecumque et quevis persona notabilis seu alia habens in villis, castris seu locis merum et mixtum imperium
ac omnem aliam omnimodam iurisdiccionem possint de iure comuni usanciis et consueverunt facere et etiam
exercere absque aliquam apellacione, provocacione, suplicacione aut recursu iudiciali que vel qui nisi ad ipsos
vicarium vel subvicarium dumtaxat minime habeantur nec ipse etiam dominus rex habeat in aliquo casuum
predictorum aliquam cognicionem seu potestatem aliqualem, immo predicta omnia et singula in vos dictos
iuratos, nomine dicte universitatis, et vestros ac ipsius successores ac dictos vicarium et subvicarium
predictam iurisdiccionem pro vobis, ut pretangitur, exercentes, transferimus testimonio presentis publici
instrumenti. Volumus tamen quod dicti vicarius et subvicarius teneantur de iuribus et emolumentis ex dicta
iurisdiccione proventuris capibrevium et capibrevia facere separata, de quibus vobis prefatis iuratis, nomine
dicte universitatis, teneantur integraliter respondere, retento salario per nos eisdem pretatxando. Declarantes
in presenti vendicione intelligi et comprehendi nedum futura crimina, excessus et delicta, set etiam iam
comissa in valle, loco et parrochiis ac terminis et pertinenciis superius denotatis, dum modo illa non sint per
summam aut composicionem finita seu etiam terminata, exceptis tamen criminibus per homines dicte ville de
Amerio /150v/ comissis et perpetratis racione resistencie, violencie et invasionis per ipsos dudum factarum
contra officiales domini regis et dicte civitatis Gerunde et eorum sagiones et alios de quibus iamdiu est
inquisitum extunc et contra ipsos iam processum ad banniendum et alias cum nos illorum criminum cognicio
et punicio ad inclitum ac magnificum dominum infantem Iohannem, prefati domini regis pri-mogenitum ac
eius generalem gubernatorem in omnibus et singulis regnis et terris ipsius ducemque Gerunde et comitem
Cervarie, ex pacto inter nos et vos dictos iuratos et probos homines ac universitatem civitatis Gerunde inito et
compreenso, et ex certa sciencia, ducimus reservandas ut omnis intricacio et altercacio omnisque questionis
materia inter ipsum dominum regem ac eius officiales et vos dictos iuratos et universitatem dicte civitatis
totaliter extollatur. Quibusquidem officialibus dictorum dominorum regis et ducis, nisi prefatis vicario et
subvicario Gerunde et dicto iudici quem in hiis vos duxeritis eligendum dumtaxat, ex parte dicti domini regis,
damus cum hac eadem firmiter in mandatis ne de aliqua iurisdiccione premissorum seu exercicio eorumdem
in predictis villa seu loco de Amerio ac valle eiusdem, necnon in parrochiis, terminis et pertinenciis