Iiinjyea JQ I s-7 nre cona el - Ajuntament de Girona

civitatis prohiciant bannas, ossa, capita, pedes vel intesti-/81/-na aut inmundicias alias seu carnium
extremitates, sed huiusmodi talia prohiciant in profundo Undaris vel loco alio et idoneo per iuratos dicte
civitatis ordinando. Volumus tamen quod dicti carnicerii, tam in carniceria interiori quam in carniceria
exteriori ipsius civitatis, possint tenere et vendere seu talliare illas carnes quas voluerint, salvo eo quod
per iuratos dicte civitatis de carnibus iudaycis ovium et caprarum consuetum est ordinari, non obstante
quadam ordinacione per nobilem et dilectum consiliarium nostrum, Petrum de Montecatheno,
procuratorem Cathalonie, in contrarium pridem facta quam revocandam ducimus pro eo quia et
carniceriis et aliis dicte civitatis civibus inutilis est comperta. Mandantes per presentem dicto procuratori
necnon baiulo Gerunde vel eius locumtenenti et mostaçafo et aliis officialibus nostris dicte civitatis,
presentibus et futuris, quod ordinacionem nostram huiusmodi firmiter observando eandem faciant per
dictos carnicerios per imposicionem penarum iuxta ordinacionem dictorum iuratorum et exaccionem
eorum et alias firmiter observari.
Datum Gerunde, sub nostro pendenti sigillo, decima die aprilis, anno a nativitate Domini millesimo
trecentesimo quinquagesimo primo.
Examinavit Rodericus.
1351 abril 10. Girona
El rei Pere III concedeix als jurats i prohoms de la ciutat de Girona l’ofici de mostassaf.
265
A. Original pergamí, nº 705 (664 × 338 mm), en altre temps segellat, conservat a l’AHCG.
B. Registre matriu conservat a l’ACA, Cancelleria, reg. 1538, f. 21v-22.
C. Còpia de A de mitjan s. XIV conservada en el Llibre Verd , f. 80v-84v.
D. Còpia dins Ms. R-416, Biblioteca del Col·legi d’Advocats de Barcelona, f. 157-158 (M. J. Arnall, nº 176).
a. Ed. de la còpia B per F. VALLS I TABERNER, loc. cit., p. 149-152 (doc. XX).
Del mostaçaff e que pot fer e que deu prendra e com se deu elegir e atorgar. a
Noverint universi quod nos Petrus, Dei gratia rex Aragonum, Valencie, Maioricarum, Sardinie et
Corsice comesque Barchinone, Rossilionis et Ceritanie, animadvertentes qualiter regali plurimum
competit dignitati circa ea que publicam utilitatem respicere dinoscuntur auctoritatem suam regiam
prestare pariter et assensum, hinc est quod, cum pro parte iuratorum et proborum hominum universitatis
civitatis Gerunde nobis fuerit instantissime supplicatum, ut pro bono statu dicte civitatis ac habitatorum
eiusdem concedere dignaremur quod officium mostaçaffie sit de cetero in civitate iamdicta. Ea propter
nos conspicientes quod huiusmodi officium utilitatem comunem rescipit evidenter, tenore presentis carte
nostre perpetuo valiture nomine nostro proprio et tanquam pater et legitimus amministrator b incliti
infantis Iohannis, karissimi nostri primogeniti ducis Gerunde, concedimus iuratis, probis hominibus ac
universitati dicte civitatis Gerunde quod amodo in civitate ipsa sit mostaçaffus, qui dictum mostaçaffie
officium teneat atque regat sub modo et forma inferius comprehensis quique eligatur de presenti et ex
tunc de cetero anno quolibet in festo Circumcisionis Domini sub hac forma, videlicet quod per iuratos
dicte civitatis eligantur tres probi homines eiusdem civitatis ad officium antedictum, nomine quorum sic
electorum inscriptis nobis, si presentes fuerimus in civitate ipsa, /82/ alias nostro baiulo Cathalonie
generali vel eius locumtenenti in civitate ipsa, presententur per iuratos civitatis iamdicte nosque seu dictus
baiulus generalis, nobis inde absentibus, vel eius locumtenens, unum ex ipsis tribus eligamus et eligere
teneamur ad officium ipsum ac etiam nominare. Statuentes ac etiam ordinantes quod dictus mostaçaffus,
cum electus et nomina-tus fuerit, ut prefertur, sit ipso anno mostaçaffus et teneat penes se originalia
ponderum et mensurarum, tam panis, vini, oley, pannorum et aliorum omnium que venduntur ac vendi
consueverunt sub penso, pondere vel mensura, quodque quilibet mostaçaffus in principio administracionis
eiusdem officii faciat preconitzari per preconem publicum in locis dicte civitatis, in quibus
preconitzaciones fieri sunt solite quod quicumque, homo vel mulier, qui aliqua emat vel vendat ad
pondus, pensum sive mensuram, teneatur, sub certa pena arbitrio dictorum iuratorum apponenda, et infra
certos dies, portare vel mittere pensum, pondus vel mensuram eidem almustasaffo ut cum dictis
originalibus comprobatur c et ad rectitudinem reducantur ob hoc ut omnis fraudis et doli materia evitetur.
Quiquidem mostaçaffus in fine sui officii subsequenti successori in officio suo predicta originalia tradere
teneatur. Dictus vero mostaçaffus sine vicario, baiulo et alio officiali nostro, auctoritate propria sui officii
recognoscat et possit recognocere et iudicare pro veris aut falsis pensa, pondera et mensuras et
delinquentes punire vel eis facere gratiam usque ad decem solidos Barchinone tantum, et infra et etiam
ultra decem solidos cum et de consilio baiuli Gerunde, prout officio uniuscuiusque ipsorum hoc competat,
iuxta tamen formam statutorum bannorum, ordinatorum vel ordinandorum, per iuratos dicte civitatis,
pene tamen /82v/ delin-quencium sub prescripta vel infrascripta forma adquisite vel adquirende, deductis
tamen prius expensis, proinde fiendis, dividantur hoc modo, videlicet quod tercia pars curie nostre, tercia
vero universitati civitatis predicte et tercia dicto mostaçafo pro suo salario et labore, factis tribus equis