Iiinjyea JQ I s-7 nre cona el - Ajuntament de Girona

Item, super testibus recipiendis primo pro quolibet testimonio quod receptum fuerit per manum
notarii publici quodque teneat unam cartam scriptam ex ambabus partibus dentur scriptori quatuor denarii
et si iudex receperit dictum testimonium habeat scriptor pro qualibet carta tres denarios et si dictum
testimonium tenebit plus aut minus solvat secundum dictam racionem. Et de translato detur secundum
formam predicti secundi capituli et de quocumque translato actorum iuxta supradictam formam.
Item, quod si scriptor exiret extra civitatem pro recipiendis deposicionibus testium, habeat inde
duos solidos pro pedagio pro qualibet die et sua necessaria quamdiu fuerit extra villam.
Item, quod omnes littere que de curia Gerunde exierint, regis -trentur et solvantur pro qualibet littera
cum registro IIII or denarii, salvo quod de qualibet littera citacionum dentur cum registro octo denarii et de
qualibet littera regali registranda dentur quatuor denarii tantum.
Item, de registracione litere domini regis vel alterius litere solvantur secundum eius tenorem ad
racionem IIII or denariorum pro qualibet carta sive folio si ultra unam cartam sive folium protendatur.
Item, quod de qualibet litera sive carta hominis qui /182/ mitat se in habitagio seu stagio Gerunde
solvantur sex denarii.
Item, de qualibet carta testimoniali super habitagio, si est in papiro quatuor denarii, et si est in
pergameno octo denarii et quod sit cum sigillo pendenti et ille qui voluerit dictam cartam habere, habeat
ceram et cordam ipsius sigilli.
Item, quod de scripturis que fient de preconizacionibus alicuius honorum non dentur, nisi sex
denarii inter omnes scripturas.
Item, quod de translato facto cum sigillo pendenti de carta fran-chitatis concessa per dominum
regem habitatoribus Gerunde dentur duo solidi per illum civem qui dictum translatum habere voluerit et
habeat ille, qui dictum translatum habere voluerit, ceram et cordam. De aliis scripturis autem factis in
papiro habeat scriptor ad racionem predictorum. De registracione instrumenti vel littere secundum eius
tenorem ad racionem quatuor denariorum pro qualibet carta sive folio.
Item, ordinaverunt et taxaverunt quod notarius publicus habeat pro qualibet carta tutorie et cure
duodecim denarios.
Item, quod de qualibet carta absolucionis et diffinicionis vel comande vel debiti habeat notarius
sive scriptor quatuor denarios.
Item, de carta simplicis protestacionis habeat sex denarios et de qualibet responsione alios sex
denarios.
Item, habeat notarius duos solidos de testamento de quantitate quingentorum solidorum usque ad
mille solidos; item, duos solidos et sex denarios de testamento mille solidorum usque ad duo milia
solidos; item, tres solidos de duobus milibus solidis usque ad quatuor milia solidos; item, /182v/ quatuor
solidos de IIII or mille solidis usque ad sex milia solidos; item, quinque solidos de sex milibus solidis
usque ad decem milia solidos; item, septem solidos de decem milibus solidis usque ad quindecim milia
solidos; item, decem solidos de quindecim milibus solidis usque ad viginti quinque milia solidos; item,
quindecim solidos de viginti quinque milibus solidis usque ad quadraginta milia solidos; item, viginti
solidis de quadraginta milibus solidis usque ad quamcumque quantitatem possit ascendere.
Item, de quolibet codicillorum duodecim solidos.
Item, habeat de instrumentis vendicionum et stabilimentorum et donacionum et hereditamentorum
secundum formam et taxacionem predictarum, inspectis dictis quantitatibus.
Item, habeat de instrumentis redempcionum et emfranquimen-torum octo denarios.
Item, de instrumentis sponsaliciorum de decem milibus solidis inter ambas partes octo solidos et
ultra decem milia solidos pro quolibet milanario solidorum dentur duodecim denarii usque ad quantitatem
centum milium solidorum.
Item, quinque solidos inter ambos coniuges de quantitate octin-gentorum aureorum de censive
usque ad sexcentos morabatinos.
Item, habeat quatuor solidos de censive de sexcentis aureis usque ad quadringentos morabatinos.
Item, habeat tres solidos de trecentis aureis de censive usque ad ducentos morabatinos.
Item, duos solidos de CC morabatinos usque ad infimum.
Item, habeat de quolibet pedagio intus civitatem Gerunde quatuor denarios.
Item, de quolibet pedagio extra civitatem Gerunde si opportuerit eum morari per unam diem,
habeat tres solidos et sua necessaria extra civitatem tantum /183/ et si iverit extra civitatem per unam
leucam tantum, habeat tunc inde duos solidos; si ipsa die possit competenter redire ad dictam civitatem,
habeat tamen sua necessaria quamdiu fuerit extra civitatem.
Item, de translato cuiuslibet instrumenti habeat minus medietatem quam haberet de originali
instrumento. De aliis vero scripturis instru-mentorum habeat secundum formam et extimacionem
predictorum.
Item, predicti vicarius et baiulus et probi homines ordinaverunt et taxaverunt quod carcellarius
curie vicarii vel baiuli habeat pro qualibet die de quolibet capto duos denarios tantum.