Iiinjyea JQ I s-7 nre cona el - Ajuntament de Girona

premissis translatum et deliberacionem, presentibus ad omnia supradicta, Petro de Prato, iudice, Petro
Geraldi, Petro Marchoni, Ferrario Artalli, iuratis Gerunde, et Geraldo de Abbacia, iurisperito, et Petro de
Trilea, Iacobo de Pulcroloco, civibus Gerunde, et presentibus testibus, Guillelmo de Rovira, Guillelmo de
Deo, iurisperito, et Berengario Ollarii, civibus Gerunde».
Postque Xº kalendas marcii anno predicto, dictus Berengarius Ade ad premissa respondit in hunc
modum: «dicit et protestatur Berengarius Ade, scriptor curie Gerunde, ad conservacionem iuris sui et
scribanie sue curie Gerunde, respondendo predictis quod ipse, attendens dictas ordinaciones et tatxaciones
fuisse factas, de facto potius quam /185/ de iure, in magnum detrimentum ipsius et scribanie predicte iam
alias, a dictis ordinacionibus et taxacionibus, tanquam ab iniquis et iniustis, ad dominum regem appellavit
apostolos instancia quanta potuit postulando et congruo tempore pro dicta appellacione prosequenda
procuratorem suum misit ad curiam dicti domini regis et posito quod procuratorem suum non misisset
quod tamen fecit, non tamen adhuc cucurrisset sibi tempus eo quia post prefixum terminum viginti
dierum de voluntate dictorum iudicis, subvicarii et baiuli ipsum tempus prorogatum extitit, cum asserent
quod de consilio iuratorum et taxatorum predictorum ipsas ordinaciones sive taxaciones iniquas
corrigerent et emendarent et in melius reformarent et de ipsa correccione fere continue fuit tractatum per
predictos usque ad diem nocturnam diei in qua dicta pena et requisicio per ipsos subvicarium et baiulum
ipsi Berengario Ade de facto fuerunt imposite. Cuiquidem appelacioni non renunciavit neque renunciare
intendit tacite vel expresse dictus Berengarius Ade, protestans quod dicte ordinaciones seu taxaciones non
sortiuntur aliquo effectu cum sint et fuerint et censeantur nulle et irrite et inique, potissime cum nulla
postestas est vel fuit atributa iuratis et probis hominibus civitatis Gerunde faciendi vel ordinandi dictas
ordinaciones et taxaciones et maxime cum per dictas ordinaciones et taxaciones, si servarentur, dicta
scribania quasi ad nichilum esset deducta et non videtur quod iurati vel probi homines per suas
ordinaciones vel taxaciones possint in aliquo dictam scri-baniam diminuere nec ipsum in aliquo agravare
in eadem de qua est et fuit longo tempore in plena et pacifica /185v/ possessione recipiendi de scripturis
pro labore suo, prout actenus sui predecessores recipere consueverunt et habere. Verum cum, non
obstante dicta appellacione, vos Petrus de Porta Aquaria, subvicarius, et Bernardus Strucii, baiulus
Gerunde, de mandato discreti Petri de Prato, iudicis ordinarii Gerunde, ex parte domini regis,
mandaveritis dicto Berengario Ade sub pena mille solidorum, ut faciat et observet in omnibus et per
omnia, omnia [et] singula et contenta in dictis ordinacionibus et predicta mandaveritis, salva vestri
reverencia et dicti domini iudicis indebite et iniuste, idcirco dicit et protestatur dictus Berengarius Ade
dictum mandatum fore nullum et irritum racionibus quibus supra et si quod dictum mandatum apareat vel
si quod sit de iure ab ipso mandato tanquam ab iniquo et iniuste ac immoderate facto et ab alio
quocumque dicto Berengario Ade per vos imposito in hiis scriptis, ad dominum regem et eius curiam
appellat, petendo apostolos sibi concedi et iterum a et instancia quanta potest, petens presentem
responsionem et appella-cionem inseri in dicto instrumento. Et incontinenti dictus Bernardus Strucii et
Poncius Petri, tenens locum in hac parte Petri de Porta Aquaria, subvicarii predicti, pecierunt de premissis
translatum et deliberacionem duorum dierum, presentibus testibus Petro Palegrini de Hostalricho et
Buciomundo de Palaciolo et Petro Falgera et Simone Barber, civibus Gerunde».
Et post hac die que fuit IXº kalendas marcii, anno predicto, predicti subvicarius et baiulus
respondentes intus dictam curiam, presente ibidem dicto Berengario /186/ Ade, predictis propositis per
dictum Berengarium Ade dixerunt hec que sequuntur: «Respondendo predictis, dicunt Bernardus Strucii,
baiulus, Petrus de Porta Aquaria, subvicarius Gerunde, nomine nobilis Bernardi Guillelmi de Portella,
vicarii Gerunde et Bisulluni, ac etiam consilio discreti Petri de Prato, iudicis Gerunde presentis, quod
iurati et probi homines qui iuraverunt et fuerunt deputati ad faciendum predictas ordinaciones et tatxaciones
super precio et salario scriptorum et scribaniarum, fecerunt eas de voluntate vicarii et baiuli et de
consensu iudicis Gerunde auctoritate constitucionum generalium Cathalonie et signanter per capitulum
contentum in constitucionibus factis in curia Montissoni ibi ubi dicitur: “Item, ordinamus et statuimus
quod probi homines unius-cuiusque civitatis, ville et loci possint ordinare, tatxare, et cetera”, et etiam
ultra hec, ordinaverunt super salario carcellariorum et quibusdam aliis ut in ipsis ordinacionibus et
tatxacionibus plenius continetur. Quequidem fuerunt facta iustissime eo quia dicte constituciones generales
fuerunt observate in predictis, reiecta indempnitate et gravamine cuiuscumque, et etiam quia
constituciones facte in curia Montissoni fuerunt aprobate et confirmate per dominum nunc regem in
secunda curia Barchinone et ibi inter alios fuit factum inde sacramentum et homagium per procuratores
seu sindicos civitatis Gerunde, ut hec circa principium et circa finem constitucionum prefate secunde
curie plenius continentur, et etiam predicta extiterunt ordinata et tatxata eo quia dictus Berengarius Adam
et alii qui tenuerunt scribaniam quam ipse tenet a /186v/ tempore dictorum constitucionum Montissoni et
ante acceperunt et habuerunt indiferenter immoderata salaria sive quantitates pro scripturis
instrumentorum et pedagiis scriptorum propter quorum abusum et, ut provideretur publice utilitati et ut
cons-tituciones servarentur que facte fuerunt propter notarium qui, ut plurimum in exigendis salariis
metas racionis multipliciter excesserunt, fuit processum ad dictas ordinaciones et tatxaciones, prius