Iiinjyea JQ I s-7 nre cona el - Ajuntament de Girona

subscriptorum, restituimus et dedimus dicto venerabili subvicario et dicto Berengario Moragues, procuratori
vestro, dictum instrumentum /227v/ vendicionis nobis facte per dictum venerabilem Bernardum de Ulzinellis,
thesaurarium domini regis, et etiam quamdam cartam regiam, eius sigillo pendenti comunitam, datam
Perpiniani, nono kalendas septembris, anno Domini millesimo CCC° quadragesimo quarto, faciente pro dicta
empcione dicte iurisdiccionis». Item, quandam preconitzacionem factam Gerunde sub certa pena ex parte
domini infantis Iacobi, procuratoris domini regis, die sabbati undecimo kalendas iulii, anno Domini millesimo
CCC° XL° tercio, clausam per Iacobum de Hospitali, scriptorem publicum, auctoritate regia substitutum a
Petro de Sancto Anthonio, tutore testamentario Bernardini, pupilli filli et heredis Bernardi de Cervaria
quondam scriptoris dicte curie, faciente pro dicta empcione dicti domini regis. Item, tres litteras dicti domini
regis et unam dicti domini infantis Iacobi, papireas facientes pro dicta iurisdiccione. Dictum vero
instrumentum vendicionis dicte iurisdiccionis et meri et mixti imperii nobis facte per dictum dominum regem
nobis retinuimus et penes nos est et esse debet iuxta provisionem regiam in dicta littera regia habitam et
insertam racione dicte cene, donec dictus dominus rex nobis fecerit ad partem instrumentum de dicta cena.
Cuius cene precium iam persolvimus quia eam iam recepimus pro sex milibus solidis Barchinone in solutum
pro rata dictorum quadraginta sex milium solidorum Barchinone, ut prefertur. Et nichilominus in pre-sencia et
posse notarii subscripti et in presencia testium subscriptorum iuramus per Deum et eius sancta quatuor
Evangelia, corporaliter tacta, et ipso iuramento et eius religione dicimus et asserimus quod nos aliqua alia
instrumenta vel scripturas que sciamus penes nos vel alterum nostro nomine non habemus vel scimus
facientes vel facientia pro vendicionibus predictis, nisi illa que /228/ supra restituimus preter dictum
instrumentum vendicionis facte per dictum dominum regem quod penes nos remanet et remanere debet, ut
predicitur. Si vero de cetero alias cartas, litteras vel instrumenta pro dictis vendicionibus nobis factas,
facientes vel faciencia, invenerimus vel habuerimus, illas vobis vel successoribus vestris in officio iuradeschi
restituemus et tornabimus postposita omni mora. Et nichilominus cum hoc presenti publico instrumento
revocamus dictas vendiciones nobis de dicta iurisdiccione et mero et mixto imperio factas, primo per dictum
honorabilem Bernardum de Ulzinellis, thesaurarium, et secundario per dictum dominum regem cum dictis
duobus instrumentis et etiam eis renunciamus, salva nobis et intacta dicta cena, prout melius ad salvamentum
iuris domini regis et nostri possit fieri, sic quod nos vel nostri de cetero non possimus habere aliquod ius vel
aliquod exercicium vel accionem vel demandam in dictis iurisdiccionibus et mero et mixto imperio racione
dictarum vendicionum factarum nobis primo, per dictum thesaurarium, et secundario, per dictum dominum
regem, cum dictis duobus instrumentis, ut predicitur. Retinemus tamen nobis d quod per predicta non fiat nobis
vel nostris preiudicium vel derogacio tacite vel expresse iuri nostro quod habemus et habebamus ante dictam
vendicionem in iurisdiccione civili dictorum castrorum de Cerviano et de Pubel nec valeat in possessione vel
proprietate aliquod nobis in eis preiudicium generari, immo ipsum ius dicte iurisdiccionis civilis pro cuius
exercicio erat ante dictam priorem vendicionem erectum custellum in dicto castro de Cerviano et fuit a tanto
tempore citra quod hominum memoria in contrarium non existit nobis et nostris successoribus illesum semper
remaneat et intactum et in eo puncto et statu quibus erat ante quam fieret vendicio supradicta, dictis
renunciacione et revocacione seu aliquibus predictis obsistentibus nullo modo, et hec omnia et singula
facimus, paciscimur et /228v/ firmamus in manu et posse notarii subscripti, tanquam publice persone, nomine
omnium quorum interest et intererit, stipulantis et paciscentis. Et nos dicti Bernardus Bertrandi, subvicarius
Gerunde, et Berengarius Moragues, procurator et pro-curatorio nomine dictorum iuratorum, recognoscimus
vobis dicto nobili Ffrancisco de Cerviano quod vos iuxta mandatum et provisionem domini regis in dicta
littera regia contentum et contenta tradidistis nobis et nos a vobis habuimus et recepimus dictum
instrumentum confectum de vendicione predicta, vobis facta per dictum honorabilem Bernardum de
Ulzinellis, et dictas litteras et scripturas, de quibus per ordinem supra dicitur vos nobis tradidisse.
Renunciando excepcioni ipsius instrumenti et dictarum literrarum et scripturarum non receptarum ac tamen
non consentimus nec consentire intendimus, immo omnino dissencimus retencioni predicte facte supra per
vos dictum nobilem Ffranciscum in quantum ipsa retencio sic fuerit vel esse possit preiudiciale dicto domino
regi, patri et legitimo administratori predicto, et iuratis et civitati et universitati Gerunde.
Que fuerunt acta, firmata et laudata, ut supra dicitur et legitur, in castro de Cerviano, die decima madii,
anno a nativitate Domini millesimo CCC° quinquagesimo quarto, presentibus et vocatis me notario subscripto
et testibus, scilicet Poncio de Bierto, filio venerabilis Dalmacii de Bierto, quondam militis, et Petro de
Villafredario, filio venerabilis Bernardi de Villafredario, militis, et discreto Guillelmo Domenge, iurisperito,
et Ffrancisco de Trilea et Iacobo Pabia de Gerunda. Et, predictis peractis et firmatis, nichilominus dictus
subvi-carius ibidem requisivit dictum nobilem Ffranciscum quod compleat et servet omnia ea que in dicta
littera regia continentur et que dominus rex mandavit fieri per eum in littera predicta, protestando alias contra
eum et eius bona cum ipse subvicarius compleverit, ut dixit, eidem nobili omnia ea que dominis rex mandavit