Iiinjyea JQ I s-7 nre cona el - Ajuntament de Girona

Iacobus, Dei gratia rex Aragonum, Valencie, Sardinie et Corsice comesque Barchinone ac sancte
Romane ecclesie vexillarius, ammiratus et capitaneus generalis, ffideli suo Petro de Sancto Clemente,
vicario Gerunde et Bisulluni, salutem et gratiam.
Ad audienciam nostram noveritis pervenisse quod, cum vos nuper eo quia Petrus Russi, civis et
habitator Gerunde procuratorque hominum infrascriptorum de Alburnis, conquerendo exposuerat coram
vobis quod Arnaldus Sunyerii, baiulus, Petrus Gasseti, sagio, et Monton Banderius de Impuriis, die iovis
eotunc preterita, manu armata sine aliqua iusta causa veniendo et faciendo insultum Petro Rau et
Ffrancisco Alamanni de dicto loco de Alburnis, hominibus propriis Bernardi de Urriols, militis, ipsis infra
territorium loci eiusdem, scilicet in boscho dicti loci abstulerint et violenter secum asportaverint duas
saumerias quas adhuc penes se retinere dicuntur, ex quibus dampnificati fuerint in quadringentis solidis
Barchinone et ultra et petiverat ac requisiverat instanter ut contra ipsos et bona eorum ex causis
procederetis premissis iuxta constituciones pacium et treugarum per vestram litteram citaveritis predictos
Arnaldum Suynerii, Petrum Gasseti, Monton Banderium et eorum quemlibet ipsisque per eandem
mandaveritis ut infra XV dies a recepcione dicte vestre littere continue numerandos cum dicto procuratore
de premissis querelantibus aut dictis hominibus in et super predictis amicabiliter componerent et eisdem
satisfaccionem et emendam debitam de omnibus facerent supradictis vel apud Gerundam coram vobis et
iudice vestro personaliter comparerent parati firmare in posse vestro et tornare pignora tenencia et
valencia dictam extimacionem cum eisdem dupla iuxta dictas constituciones pacium et treugarum et alias
procedere et respondere super pre-/279v/-missis ad dicti iudicis cognicionem, alioquin lapsis dictis XV
diebus, extunc contra ipsos et valitores, fautores, coadiutores, consiliatores sustentatoresque suos et bona
eorum procederetis rigide tanquam contra eiectos et separatos a pace et treuga iuxta constituciones
pacium et treugarum et alias prout existeret racionis. Et Raymundus de Palacio, miles tenens locum
vicarii comitatus Impuriarum, ad premissam vestram litteram vobis per suam responderit continentem
locum de Alburnis predictum esse infra territorrium comitatus prefati et infra comitatum non vendicare
sibi locum constituciones pacium et treugarum iamdictas, ob quod ex parte incliti infantis Petri, nati nostri
karissimi Rippacurcie et Impuriarum comitis, qui racione dicti comitatus non recognoscebat superiorem,
vos requirebat ut a processu per vos facto et de cetero faciendo contra predictos penitus desisteretis, cum
ipse paratus esset cum effectu dictis hominibus de Alburnis et aliis quibuscumque de ipsis querelantibus
reddere iusticie complementum et de premissis omnibus et singulis in cancellaria nostra facta extitit plena
fides. Nos volentes nostro preiudicio circa premissa, ut convenit, precavere iusque nostrum non
permittere aliquatenus violari premissis omnibus cum matura deliberacione recognitis, vobis dicimus et
mandamus expresse quatenus nisi ea que per vos cum dicta vestra littera mandata fuere, sint vel fuerint
adimpleta infra terminum per vos assignatum, lapso termino ipso, cum notorium sit constituciones
pacium et treugarum habere locum in comitatu predicto et per totam Cathaloniam ipsumque comitatum
esse in Cathalonia et super generali iurisdiccione et imperio nostris, nosque ac predecessores nostros usos
fuisse et esse dictis constitucionibus ab antiquissimis /280/ temporibus in casibus similibus et aliis que
acciderunt in comitatu iamdicto, super predictis procedatis ut rigidius poteritis, prout iuxta dictas
constituciones inveneritis faciendum, taliter vos habendo ne ius nostrum valeat modo quolibet deperire
vosque possitis circa conservacionem eius in nostris conspectibus merito occurrere comendandum.
Datum Barchinone, X kalendas madii, anno Domini M° CCC° XX° septimo.
Subscripsit Guillelmus.
1327 desembre 16. Girona
77
La universitat de Girona, reunida dins del convent de Sant Francesc, atorga procura a Berenguer Renau,
jurisperit, Ramon de Sitjar, Guillem Bru, jurisperit, i Bernat de Banyoles, ciutadans de Girona, per
demanar al rei Alfons que revoqui l’alienació feta pel seu pare, el rei Jaume II, a Ot de Montcada,
de la jurisdicció alta i baixa de Caldes de Malavella, de Llagostera i de Cassà de la Selva, fetes en
perjudici de la ciutat.
A. Original pergamí, nº 177 (278 × 283 mm), conservat a l’AHCG.
B. Còpia de A de principis del s XIV conservada en el Llibre Verd, 198v-199v.
Sindicat fet per la universitat a soplegar al senyor rey que revoc les donacions fetes al noble
n’Ot de Montcada e totes altres alienacions fetes en prejudici de la ciutat.
Noverint universi quod convocata voce preconia, ut moris est, ac congregata universitate civitatis
Gerunde in domo fratrum minorum Gerunde, ipsa universitas ex certa sciencia constituit, fecit et ordinavit
certos speciales procuratores suos sindicos vel actores, venerabiles Berengarium Renaldi, iurisperitum,
Raimundum de Cigiario, Guillelmum Bruni, iurisperitum et Bernardum de Balneolis, cives Gerunde, licet
absentes, ad eundum et comparendum coram illustrissimo domino Alfonso, Dei gratia rege Aragonum, et
suplicandum, petendum et requirendum ei quod donaciones, concessiones et alienaciones quascumque, in