Iiinjyea JQ I s-7 nre cona el - Ajuntament de Girona

Iacobus, per se et suos successores, bona fide, promisit probis hominibus et universitati dicte civitatis,
tam presentibus quam futuris, quod amodo civitatem predictam Gerunde non daret, venderet, permutaret
vel modo aliquo alienaret quantum ad proprietatem adimperpetuum alicui persone extranee vel private,
nisi esset comes Barchinone, immo voluit et concessit in privilegium speciale quod ipsa civitas cum eius
pertinenciis et iuribus universis esset unita dicto comitatui Barchinone essetque et remaneret cum eodem
simul cum vicaria civitatis eiusdem et pertinenciis suis et quod iurisdicciones vicarie civitatis predicte non
venderet, daret, emframchiret vel alicui persone adin-/110v/-perpetuum assignaret ullomodo, immo voluit
quod essent et remanerent semper de dominio civitatis predicte et quod vicarius Gerunde, quicumque
esset imperpetuum, exerceret iurisdiccionem in ipsa vicaria ac etiam faceret exercere, prout hec et alia in
ipso privilegio, dato Barchinone, octavodecimo kalendas madii, anno Domini millesimo CCC°, sigillo
apendicio ipsius domini regis Iacobi comunito, clauso et subscripto per Petrum Marchi, scriptorem dicti
domini regis Iacobi lacius continetur. Alterum vero nos per nos et nostros adinperpetuum concessimus
dicte civitati et universitati eiusdem et legem perpetuam statuimus de eodem et nostra bulla plumbea
inpendenti illud duximus comuniri. Cuius privilegii tenor noscitur esse talis:
«Nos Petrus, Dei gratia rex Aragonum, Valencie, Sardinie et Corsice comesque Barchinone,
attendentes vicarium Gerunde et Bu-sulduni et Campirotundi ac alios officiales nostros episcopatus
Gerunde non posse facere comode adversus richos homines, barones, nobiles et milites ipsius episcopatus
Gerunde aliquas execuciones que plerumque debent fieri, iusticia exhigente, cum habito respectu ad
potenciam predictorum eorum potencie gentes quas nos habemus in diocesi predicta una cum nostris
officialibus, vocate et congregate per eos, non possint resistere, immo ad obviandum eorum resistencie
habeant gentes aliorum locorum nostrorum extra dictam diocesem et exercitus convocare. Attendentes
etiam comoditatem et utilitatem nostram et locorum nostrorum dicti episcopatus et personarum ibidem
existencium, habito super hiis consilio nobilium virorum et aliorum de consilio nostro, ad comodum et
utilitatem nostram et dominacionis nostre et etiam personarum dictorum locorum nostrorum conservandam,
volentes dictis locis et personis gratiam facere specialem et tanto dispendio nostro et dictorum
locorum et personarum eorumdem providere graciose, /111/ ex certa sciencia, non inducti per aliquos, sed
mera liberalitate nostra, per nos et successores nostros, per pri-vilegium speciale volumus et concedimus
et promitimus firma et legali stipulacione probis hominibus et universitatibus civitatis Gerunde et
locorum predictorum, tam presentibus quam futuris, quod amodo non dabimus, vendemus, permutabimus,
nec inpignorabimus, nec comen-dabimus, nec transportabimus vel modo aliquo alienabimus alicui
persone extranee vel private nec a nostro dominio, regalia et corona et iurisdiccione separabimus
comitatus Gerunde et Bisulluni, nec vicecomitatum de Basso, nec loca predicta que habemus intra dictum
episcopatum Gerunde vel aliquem ex ipsis locis, videlicet civitatem Gerunde, villas Bisulluni,
Campirotundi et de Regali, de Figeriis, de Turricella de Montegrino, castrum de Pals et locum de
Palamors et loca de Quartu et de Palacio, que sunt baiulie Gerunde, et castra et loca de Pontonibus et de
Crexello et de Borrassiano, nec etiam cas-tra de Castilione de Bas et de Castrofollito et de Corniliano, nec
etiam valles de Osorio et de Sancta Cruce d’Orta et de Sancto Danielo de Mamfre. Que valles sunt vicarie
Gerunde, nec etiam iurisdicciones et iura que habemus in dictis comitatibus, vicecomitatu, civitate, villis,
castris et locis predictis et in locis aliis quibuscumque que habemus ac nobis competunt seu comptere
debent seu que adquisiverimus nunc vel infuturum infra episcopatum predictum, nec etiam feuda que
habemus infra dictam diocesem alodiabimus seu emfranchiemus. Immo volumus et concedimus quod
dicti comitatus, vicecomitatus, civitas, ville, castra et valles predicte et alia loca predicta cum
suis vicariis et baiuliis et iurisdiccionibus, iuribus, proprietatibus et integritatibus /111v/ sint semper et
remaneant de dominacione et regalia et corona nostra et civitatis predicte et villarum, castrorum et
locorum predictorum sic quod officiales nostri et successorum nostrorum in regno nostro et comitatu
Barchinone et non alii semper utantur et exerceant atque regant iurisdicciones in dictis vicariis et baiuliis
Gerunde et Bisulluni ac Campirotundi et aliorum locorum predictorum. Promittentes per nos et
successores nostros firma et sollempni stipulacione in posse notarii infrascripti, stipulantis et re-cipientis
pro personis quorum interest vel interesse potest vel poterit infuturum, ac iurantes per Deum et eius
sancta quatuor Euvangelia, manibus nostris corporaliter tacta, predicta omnia et singula attendere et
complere et non contravenire racione minoris etatis vel alia qualibet racione, modo vel causa. Et si forte
nos vel successores nostri contrarium fecerimus de predictis vel aliquo predictorum non valeat, legem
facientes et ex potestate regia sancciantes debere predicta perpetuo observari et non valere nec tenere si
quid contrafactum fuerit in predictis, immo nos, ex nunc ut ex tunc et ex tunc ut ex nunc, ex certa sciencia
cassamus, irritamus et ex regali etiam potestate annulamus quidquid per nos vel successores nostros fuerit
factum contra premissa vel aliquod premissorum. Mandantes per presens privilegium nostrum
procuratoribus nostris et etiam vicariis, baiulis et aliis quibuscumque officialibus nostris, presentibus et
futuris, quod predicta omnia et singula teneant et observent et faciant inviolabiliter observari et non
contrafaciant nec aliquem contravenire permitant aliqua racione vel causa. In cuius rei testimonium huic
nostro privilegio bullam nostram plumbeam iussimus apponendam.