scenario SENWES

More documents

Recommendations

Info

34 ••• SENWES GRAINLINK Mielieprys: produseer vir die plaaslike mark OM ’N MEER REALISTIESE MIELIE PRYS TE KRY, SAL DIE SUID-AFRIKAANSE PRODUSENT MOET AG SLAAN OP DIE BESKIKBARE MARKRUIMTE. DIE SUID-AFRIKAANSE MIELIEMARK IS NIE ELASTIES GENOEG OM OORTOLLIGE VOORRAAD VINNIG UIT DIE MARK TE NEEM NIE. GROOT OORDRAGVOORRAAD KAN DIE MIELIEPRYS GEVOLGLIK VIR ’N GERUIME TYD LAAG HOU. ’N SENWES GRAANANALIS VERDUIDELIK WAAROM PRODUSENTE NIE MEER AS DIE BESKIKBARE PRODUKSIERUIMTE MOET PRODUSEER NIE. > TEKS: THYS GROBBELAAR Indien die mark waarneem dat daar meer as die produksieruimte geproduseer word, is daar geen angstigheid by die verwerkers van ’n kommoditeit om dit te besit nie. Die verwerkers leef “van die hand na die mond” en kleiner volumes word derhalwe op Safex verhandel, wat druk op die prys plaas. Daar is tans ’n groot gaping, van om en by ’n Vergelyking tussen die oordragvoorraad en die kontantprys van witmielies op Safex. > R1 200 per ton, tussen die berekende in- en uitvoer pariteit van mielies. Dit is ook teoreties die hoeveelheid wat die prys tans tussen in- en uitvoerpariteit kan beweeg. Die Safexprys het in die afgelope 13 jaar reeds agt keer so laag – en selfs laer – as uitvoerpariteit beweeg. As die Safexprys laer as uitvoerpariteit beweeg is die kanse goed dat dit laer sal wees as die produsent se produksieuitgawes op mielies, wat tot groot verliese vir die produsent kan lei. Aan die ander kant het die Safexprys van witmielies al by drie geleenthede hoër as die bereken de invoerpariteit beweeg. Die ideaal sou wees dat die mielieprys so na as moontlik aan die bere kende invoerpariteit moet vorm. Om dit te kan bewerkstellig moet die oordragvoorraad as ’n persen tasie van verbruik nie veel hoër as 15 persent wees nie. Dit is ook moontlik vir ’n groot oorskot om binne agt maande basies te verdwyn, as gevolg van die onvriendelike Suid-Afrikaanse klimaat. DIE MIELIEPRYS EN OORDRAGVOORRAAD Uit die meegaande grafiek, wat die Suid-Afrikaanse witmielieprys teenoor die oordragvoorraad aandui, kan duidelik afgelei word dat daar ’n sterk verband tussen die oordragvoorraad en die Safexprys van witmielies is. Mielies verhandel reeds sedert 1995 op Safex, maar aktiewe verhandeling het eers in 1997 gerealiseer. Die mark het egter eers in 1999 redelik “volwasse” begin verhandel. ’n Vergelyking tussen die geelmielieprys op CBT en die oordragvoorraad. senwes.co.za • April 2010
Is die toppresterende graanboere diegene wat prysrisiko die beste bestuur? 8035BD_FL_2 Graanprysrisiko: >> HOE WORD GRAANPRYSE OP SAFEX BEPAAL? In Suid-Afrika word somergraanpryse deur ’n vryemarkmeganisme bepaal, wat beteken dat vraag-en-aanbod ’n belangrike rol in die prysvormingsproses speel. Die Safex-prys kan tussen die berekende in- en uitvoerpariteit vorm. Die prysposisie tussen die berekende in- en uitvoerpariteit word hoofsaaklik deur die berekende oordragvoorraad van die kommoditeit bepaal. Die in- en uitvoerpariteit word bereken deur die volgende veranderlikes te gebruik: die internasionale prys van die kommoditeit, die skeepsvrag vanaf die uitvoerland, vervoerkoste na die punt van verwerking, die wisselkoers en ’n paar kleiner koste-items, soos versekering, rente en hawekoste. In die grafiese voorstelling word die nominale prys gebruik. Die gemiddelde witmielieprys is oor die periode 1 September tot einde Augustus die volgende jaar gevolg, aangesien die eerste aanplantvoorneme in September bekend gemaak word en dit dan reeds in die mielieprys verdiskonteer. Sedert die 1999/2000-bemarkingsjaar is dit duidelik dat die prys negatief op die groter wor dende oordragvoorraad gereageer het. Die mielie prys reageer ook reeds op die geskatte oordragvoorraad van die opvolgende bemarkings jaar. Só, byvoorbeeld, het die 2009/2010-mieliebemarkings jaar nog nie uitgeloop nie en die mielie prys reageer reeds op die geskatte oordrag voorraad van die 2010/2011-bemarkingsjaar. Die mark verwag die tweede grootste oes in 24 jaar, wat tot ’n groot oordragvoorraad kan lei. In die kort termyn kan net aggressiewe uitvoere die oordragvoorraad laat krimp en die prys wesen lik ondersteun. Die tipiese sikliese aard van die prys kan op dié stadium uit die grafiek afgelei word. Goeie pryse stimuleer produksie, wat oordragvoorrade laat styg en weer op sy beurt die prys laat daal. Die lae prys gee dan aanleiding SENWES GRAINLINK ••• tot laer produksie en laer oordragvoorrade en die mielieprys styg weer later. SITUASIE IN DIE VSA Die Amerikaanse mielieprys reageer ook op oordragvoorraad, maar nie tot dieselfde mate as die Suid- Afrikaanse mielieprys nie. Die Amerikaners het ’n meer gematige klimaat, wat meer stabiele opbrengs te tot gevolg het. Oordragvoorrade bly dus meer konstant. Jare waar daar baie groot oordragvoorrade was, soos die seisoene van 1987 tot 1989, het hul mielieprys drasties gedaal. Jare met lae oordragvoorrade, soos in 1996 en 1997, het die CBT mielieprys drasties laat styg. Meestal beweeg die oordragvoorraad tussen 30 en 40 miljoen ton, wat tot ’n relatiewe stabiele prys van tussen $2,2 en $2,7 per boesel aanleiding gee. Amerika se situasie is uniek in dié opsig dat mie lies daar as ’n bron van alternatiewe energie en ’n beleggingsopsie deur beleggingsfondse, spekulante en handelsbanke, gesien word. Die land se mielieprys was in 2008 en die begin van 2009 baie hoog, as gevolg van ’n sogenaamde boom in die wêreldekonomie. Die graanpryse is aangevuur deur die hoë ruoliepryse. Op daardie stadium is ’n sterk korrelasie tussen die ruolieprys en Amerikaanse mielieprys waargeneem, omdat mielies as alternatiewe brandstof aangewend word. Amerika gebruik reeds meer as 100 miljoen ton mielies vir die vervaardiging van etanol. Met die wêreldresessie, is die energiekrisis effens op die agtergrond geskuif. Veral spekulante is redelik uit die mark gehaal, wat ’n dempende effek op kommoditeitspryse het. Die mark fokus nou weer op vraag-en aanbodsyfers en die mielieprys het terug gesak. Indien die wêreldekonomie herstel, kan energiepryse weer begin styg en mielies dit moontlik navolg. S >> Thys Grobbelaar is ’n Graananalis by Senwes Grainlink. Skakel hom by (018) 464-7385 of stuur ’n e-pos aan thys. grobbelaar@senwes.co.za Vra vir Frans www.franslyons.co.za Kry die beste resultaat 35
Page 1: SENWES scenario CASPER & ESTELLE BO
Page 6 and 7: 4 ••• REDAKTEURSBRIEF Nuwe bl
Page 8 and 9: 6 ••• HOOFSTORIE > TEKS: THYS
Page 10 and 11: 8 ••• HOOFSTORIE Senwes geski
Page 13 and 14: April 2010 • senwes.co.za ••L
Page 15 and 16: ooreenstemmende seisoene was 1,15 t
Page 17 and 18: wat tradisioneel met koring geplant
Page 19 and 20: FOR SENWES CLIENTS, THE INFOR- MATI
Page 21 and 22: John Deere 6140 Tractor Prestige. C
Page 25 and 26: Roere vir die boere vervolg van bla
Page 27 and 28: LX2 4.5-14x40 en kan glad nie kla n
Page 29 and 30: XPOSURE [WWW.XPOSURE.CO.ZA]
Page 31: John Deere tractor series continued
Page 34 and 35: 32 ••• PROMOSIE-ARTIKEL: VOER
Page 38 and 39: 36 ••• LEEFSTYL • LIFESTYLE
Page 40 and 41: 38 ••• FEITE & FABELS Weimiel
Page 42 and 43: 40 ••• KOLLIG OP CASPER BOTHA
Page 44 and 45: 42 ••• KOLLIG OP CASPER BOTHA
Page 46 and 47: 44 ••• PROMOSIE-ARTIKEL: NW V
Page 48 and 49: 46 ••• SENWES CREDIT Diens me
Page 50 and 51: 48 ••• TOEKOMSBLIK Kleiner en
Page 52: 50 ••• TOEKOMSBLIK Nanotegnol
Page 55 and 56: isk, whilst providing growers with
Page 57 and 58: Lekker reënbuie sorg vir goeie gro
Page 59: ds Willie Botha a Lees 1 Johannes 4
Page 62 and 63: 60 ••• NUUS Bultfontein ’n
Page 64 and 65: 62 ••• NEWS Big on bakkies an
Page 66: 64 64 64 ••• IN MY VISIER Kol

scenario SENWES

You also want an ePaper? Increase the reach of your titles

Delete template?

Save as template?