scenario SENWES

40
••• KOLLIG OP CASPER BOTHA
Passievol
oor landbou
“AS JY IETS DOEN WAAROOR JY
PASSIEVOL IS, DAN HOEF JY NIE
JOU SENTE TE TEL NIE, DIE GELD
KOM VANSELF,” IS CASPER BOTHA,
DIE BESTUURDER VAN CASTELLO
BOERDERY EN OOK DIE GESIG VAN
DIE HEDENDAAGSE PRODUSENT OP
SENWES SE KORPORATIEWE DVD VIR
2010, SE BESTUURSFILOSOFIE.
> TEKS: ELMARIE CRONJE
> FOTO'S: CASPER BOTHA & ELMARIE CRONJE
Casper is ’n boerseun wat grootgeword
het in die Viljoenskroon-distrik. Hy het nie
grond geërf nie, maar eers ’n plaas by sy pa gehuur
en later met ’n lening gekoop. Tans bestaan sy
saai boerdery uit ongeveer 2 700 hektaar droëland
saaigewasse, met omtrent 1 000 hektaar onder
besproei ing, terwyl sy veefaktor hoofsaaklik uit
Brangus vleisbeeste bestaan.
Hoewel Casper in 1990 met ’n suiwelboerdery
begin het, het hy gou besef dat sy grootste passie
by saaiboerdery lê. Vandag beskik hy oor kommersiële
mielies en sonneblom, sowel as saadmielies
en -sonneblom. Hy het ook hektare onder koring,
Castello Boerdery is goed gediversifiseer.
>
ertjies en aartappels. Hoewel hy kontrakte met
maatskappye soos Pannar en McCain beding het,
glo Casper dat ’n mens nie kontrakte nodig het
om suksesvol te wees in besigheid indien jy jou
besigheid met integriteit bestuur nie.
“Ek het as produsent ook al moeilike jare beleef,
1994 was byvoorbeeld ’n droë jaar, maar ek was
altyd eerlik oor my situasie en wat ek in staat is om
te doen, sodat my integriteit nie in twyfel getrek kan
word nie,” het Casper vertel.
KLIM DIE BOERDERYLEER
In 1990 het Casper die graad BCom Bedryfs-
en Bestuurs rekeningkunde aan die Noordwes
Universiteit behaal. Hy is ook met sy universiteitsliefde,
Estelle, getroud. Later jare het hy sy honneurs
graad behaal, terwyl hy voltyds geboer het.
Self het hy heel onder begin en deur die jare
die leer van boerdery geklim tot waar hy nou as
bestuurder nie meer so direk betrokke is by die
dag-tot-dag produksie van sy plase nie. “Ek het
aan die begin self sement gemeng, self gewasse
aangeplant, self trekkers reggemaak – maar soos
die besigheid groei, beweeg ’n mens deur die stappe
van bestuur, totdat jy op ’n dag besef jy moet
begin delegeer,” het hy gesê.
Daarom, erken Casper, het hy ’n groot respek vir
die Suid-Afrikaanse produsent. As jy ’n produsent
is, moet jy ’n meester van alles wees. Casper se
senwes.co.za • April 2010