Laai boek af : PDF

Deel 2
Israel en Juda Afsonderlik
Die Huis van Israel (Tien Stamme) en die Huis van Juda
Bly afsonderlik tot en met die Wederkoms van Christus
In die vorige Studie het ons nagegaan hoedat die twaalf stamme van Israel
na die dood van koning Salomo in twee huise verdeel is en later in twee
afsonderlike ballingskappe na twee verskillende landstreke op verskillende
tye weggevoer is. Ons het uit die Bybel en uit die geskiedenis en uit
Joodse opinie gewys dat die twee nooit weer met mekaar herenig is nie.
Daar is baie Skrifte wat ons na wil verwys om aan te toon hoe duidelik die
Bybel aangaande hierdie verdeling is. Ons sal vir u hier ‘n paar kwoteer,
en die ander net na verwys dat u dit self kan nagaan.
1 Konings 11:30-31;
30 Toe gryp Ahía die nuwe mantel wat hy aangehad het, en skeur dit
in twaalf stukke,
31 en hy sê vir Jeróbeam: Neem vir jou tien stukke, want so spreek
die HERE, die God van Israel: Kyk, Ek gaan die koninkryk uit die
hand van Salomo afskeur en aan jou die tien stamme gee.
1 Konings 12:21;
21 En toe Rehábeam in Jerusalem kom, het hy die hele huis van Juda
en die stam van Benjamin, honderd-en-tagtigduisend strydbare
jong manskappe, vergader om oorlog te voer teen die huis van
Israel, om die koningskap vir Rehábeam, die seun van Salomo,
terug te win.
1 Konings 15:9;
9 IN die twintigste jaar dan van Jeróbeam die koning van Israel, het
Asa koning van Juda geword.
Dit is baie interessant en van die grootste belang om daarop te let hoe
dikwels die Bybel die tien stamme of huis van Israel, sommer net Israel
noem. Wanneer u hierdie saak deeglik ondersoek, sal u sien dat die huis
van Israel ook dikwels Efraim genoem word. Dit is in ooreenstemming met
die seën wat Jakob oor die seuns van Josef, Efraim en Manasse,
uitgespreek het toe Josef hulle na Jakob gebring het net voor hy gesterf
het.
14