Laai boek af : PDF

Deel 3
Die Ryk van Satan teen die Koninkryk van God
In ons vorige twee Studies het ons aangetoon hoedat die twaalf stamme
van Israel verdeel is in die twee “Huise”, die Huis van Israel (die tien
stamme) en die Huis van Juda (die twee stamme), en dat hierdie verdeling
van God was volgens 1 Konings 12:24. Die twee is nog nooit met mekaar
herenig nie, en sal ook so bly tot met die Wederkoms van Christus.
Die Bybel sal tot ‘n groot mate ‘n geslote Boek bly totdat hierdie verskil
tussen die Huis van Israel en die Huis van Juda, soos dit in die Skrif geleer
word, reg verstaan word.
Hierdie duidelike verskil word nooit in die Bybel uit die oog verloor nie. Dit
sal onmoontlik wees om die profesieë van die Bybel te volg, of die Bybelse
verhaal van Israel, voordat hierdie onderskeid nie raakgesien word nie.
Die meeste mense dink nog dat waar Israel in die Bybel voorkom, dit die
“Jode” beteken. Ons lees artikels en luister na preke waarin die skrywers
en sprekers praat van “Abraham die Jood”. Isak en Jakob word dikwels
“Jode” genoem, wat uiters dwaas en onmoontlik is soos ons uit die Skrif sal
sien. Dit is ‘n doodgewone verskynsel om predikers en skrywers te hoor
wat sulke benamings soos die volgende gebruik:
“Die Jode in Egipte”,
“Die uittog van die Jode uit Egipte”,
“Die Jode by berg Sinai”,
“Toe die Jode die Land Kanaän ingeneem het”,
“Die 12 stamme van die Jode”,
“Abraham die Jood”.
Duisende Christene gebruik die terme “Israel”, “Jood”, “Die Huis van
Israel”, “Die Huis van Juda”, somaar deurmekaar asof al hierdie benamings
maar net op een en dieselfde mense betrekking het.
Hulle weet blykbaar nie, dat volgens die Bybel, daar geen Jode as sulks
was tot ongeveer 15 eeue na die geboorte van Abraham, of tot 600 jaar na
die dood van Moses nie!
Die meeste Hebreërs nie Jode nie
Met Adam begin nie net die kronologiese geskiedenis van die mens nie,
maar ook al die geslagsregisters van die Bybel.
Daar is tien geslagte vanaf Adam tot by Noag,
Tien geslagte vanaf Sem (Noag se seun) tot Abraham.
25