Laai boek af : PDF

Let wel: Israel word uit hulle “grafte” gehaal en met die gees vervul en dan
na die land gebring. Hulle moet eers lewendig gemaak word voordat hulle
kan beweeg. Dis nie die dooie bene wat terugkeer na die land nie, maar
die lewendige gees gevulde liggame! Dit is nie wat met die Jode gebeur het
toe hulle na Palestina teruggekeer en in 1948 die sogenaamde Staat van
Israel tot stand gebring het nie. Hulle is nog net so geestelik dood soos
voorheen en nog net so ongehoorsaam aan die insettinge van God. Daar
is enkele uitsonderinge natuurlik, maar so is daar die hele wêreld oor.
In Eségiël 37:15–28, word die wonderbaarlikste hereniging van die huis
van Israel en die huis van Juda vir ons beskryf.
(Let op verse 16–17, 19, van Eségiël 37).
16 En jy, mensekind, neem vir jou ‘n stuk hout, en skrywe daarop: Vir
Juda en vir die kinders van Israel, sy bondgenote; en neem n ander
stuk hout en skrywe daarop: Vir Josef (die hout van Efraim) en die
hele huis van Israel, sy bondgenote.
17 Voeg hulle dan vir jou bymekaar, die een by die ander, om een stuk
hout te wees, en laat hulle een word in jou hand.
Dan sê die HERE as die kinders van jou volk jou na die betekenis hiervan
vra:
19 sê dan vir hulle: So spreek die Here HERE: Kyk, Ek sal die stuk
hout van Josef neem, wat in die hand van Efraim is, en die stamme
van Israel, sy bondgenote, (die tien stamme), en Ek sal hulle by
hom voeg, by die stuk van Juda (die twee stamme), en hulle een
stuk hout maak; en hulle sal een word in my hand.
Let daarop: “in my hand”.
Die wêreld sal nog haar grootste bloei en vrede ondervind die dag wanneer
die volle Israel weer herenig is, en in die hand van God sy instrument op
aarde gaan wees. Dit is die heerlike toekoms wat deur al die profete
besing word. Dit is die koms van die koninkryk van God op aarde waarvoor
Jesus ons in “Die Onse Vader”, leer bid het:
“Onse Vader wat in die hemele is, laat u Naam geheilig word; laat u
koninkryk kom; laat u wil geskied, soos in die hemel net so ook op
die aarde” - (Matt. 6:9,10).
Dit het nog nie gebeur nie, maar staan nou voor die deur en sal plaasvind
met die wederkoms van Christus.
Luister nou na verse 21 en 22 van Eségiël 37.
21 en sê vir hulle: So spreek die Here HERE: Kyk, Ek gaan die kinders
van Israel haal tussen die nasies uit waarheen hulle getrek het, en
Ek sal hulle van alle kante bymekaar laat kom en hulle bring in hul
land.
22 En Ek sal hulle een volk maak in die land,- - - -
18