Die JJ Potgieter Manuskrip - Dog-on-blues studio

Eric Swardt: <strong>Die</strong> <strong>JJ</strong> <strong>Potgieter</strong> <strong>Manuskrip</strong> Bladsy 14 van 148
belang gestel om vrede te maak nie en het in die digte bosse in gevlug. Sy
stat is deur die burgers afgebrand.
Gedurende 1895 het die regering ses forte laat bou in die gebied waar
Kaptein Magoeba die bosse in gevlug het. Magoeba se mense het reeds die
helfte van die Houtbosberg ingeneem, terwyl sommige ander in die digte
bosse gebly het. <strong>Die</strong> ses forte wat gebou was, was Fort Botha by
Helseboskrans, Fort Moller by Kafferskroon, Fort Bessie naby Impalastad,
Fort Burger naby Mesotiestad, Fort Eendrag naby Magoebastad en Fort
Askai naby Majakie.
<strong>Die</strong> burgers het die taak gehad om die forte te beman en die burgerlikes te
beskerm en die vyand weg te hou. Elke nou en dan het die burgers ‘n
skermutseling met die vyand gehad. Dan het die regering die burgers vyftien
sjieling per dag betaal. <strong>Die</strong> strategie wat die vyand gevolg het, was om die
burgers wat die forte beman het, in ‘n hinderlaag in die digte bosse te lei.
Hulle kon die burgers op geen ander manier gedood het nie. <strong>Die</strong> situasie met
Kaptein Magoeba het so aangehou van Januarie 1895 tot Mei 1895.
In die maand van Mei 1895 het die regering weer eens ‘n groot kommando
op die been geroep. Sommige mense van Swaziland het ook by die
kommando aangesluit om te help om vir Kaptein Magoeba uit die bosse te
dryf. Dit het nie lank geduur nie, of Magoeba was deur die Swazi’s met ‘n
swaard onthoof, saam met negentien ander. <strong>Die</strong> res van Magoeba se manne
was gevange geneem. Al die kommando’s in die omgewing van die oproer
was aangeprys.