Die JJ Potgieter Manuskrip - Dog-on-blues studio

Eric Swardt: <strong>Die</strong> <strong>JJ</strong> <strong>Potgieter</strong> <strong>Manuskrip</strong> Bladsy 28 van 148
<strong>Die</strong> begin van die oorlog
Hoofstuk 6
Kraaipan, Krokodilrivier, verwarring onder die burgers
<strong>Die</strong> eerste skote van die Anglo-boereoorlog was gevuur tydens ‘n kleinerige
skermutseling by ‘n dorpie genaamd Kraaipan. Op weg na Mafikeng het
Generaal De la Rey se kommando op 12 Oktober 1899 ‘n trein, wat onder
die bevel van Kaptein Nesbitt was, teë gekom.
<strong>Die</strong> eer om die eerste skoot te vuur het gegaan aan Veldkornet JC Coetzee.
<strong>Die</strong> eerste Britse soldaat wat gedood is in die oorlog het ook tydens die
skermutseling gesterf. Na etlike bombardement het die Boere twee 7-pond
kanonne, wat op weg na Mafikeng was gebuit.
Ockert Oosthuizen was die eerste Boer wat in die oorlog gesterf het. Hy het
op 14 Oktober 1899 tydens ‘n skermutseling naby Mafikeng gesterf. Twee
Britse soldate was tydens daardie skermutseling gedood en 14 gewond. ‘n
Tweede, onbekende Boer het ook tydens die skermutseling gesterf en ses
Boere was gewond.
<strong>Die</strong> oggend van die twaalfde Oktober 1899 het die Soutpansberg kommando
na die gebied waar die Krokodilrivier in die Limpoporivier vloei getrek. <strong>Die</strong>
Limpoporivier was die grens tussen die Transvaal en die Tuli gebied, wat
deel van die Rhodesiese gebied was. Reeds toe Milner vir sy konfrontasie
met Kruger voorberei het, het hy ‘n aantal troepe op die Transvaal se grens
geplaas. Terwyl die hoof aanslag van die Boere gemik was op die inval van
die Britse kolonies na die Suide, het Generaal Joubert ekstra versekering
teen aanvalle vanuit die weste uitgeneem deur troepe te stuur om hierdie
bedreiging te gaan verwyder.
<strong>Die</strong> Waterberg en Soutpansberg kommando’s het nie baie tyd gemors nadat
hulle by die grens aangekom het nie. Hulle moes dieselfde dag nog optree
teen die Britse troepe om die element van verrassing te behou. Dit was nog
vroeg in die reën seisoen en die wildernis oorkant die grens was groen en
ruig. <strong>Die</strong> Boere kommando het op ‘n rantjie geklim om ‘n beter uitsig oor
die vyand se kamp te kry.