download - Rene van Maarsseveen

.II. a . Wedemaent 1559.
+
Hallebaerdiers
236
Die metter alfue lanche gheerne spelende iocken
Leerlynghen omme de Leden te vervarsschene
Ion ick naer myn doodt Twee groene waterstocken
5 Om elck andren naer tlyf te darsschene
Bollaerts
Ghildebroeder bem ick oock vanden Bollaerts
van ghildeghelt ghaf ick noyndt eene myte
en heesschen zyt noch niet / die goede Cnollaerts
10 ick scheltze oock Van mynentweghe quyte
De schotters Eer dat ic Reyse naer de woormen
mids dat my noyndt huerlieder gheschot // deerde
om schietbollen maecken in huerlieder voormen
ion ick telken gaeydaghe Een Carre potEerde /
Clercken vanden voornoomden ghilden
Dese clercken gheef ick zes din platteelen
ken weet naulick Waer zy noch te pande staen
Connen zyse achterhaelen / tzyn zeer schoon Iuweelen *
Rhetoryck ghewon percheelen
20 gheef ick / dat zyse tsamen ghelyck mueghen deelen
daer in begrepen / den dienst van elcx capellaen
Tsdaeghs als zy de zielmessen hebben ghedaen
niet eer mueghense ontfaen
anders waert mesdaen
25 Ende ghiericheyt mochtse inde boete beslaen
Al het offerwas datter ouer zal schieten
Bid ick datse daeromme doch niet en kyfuen
Want ick ordonnere al zou twisselwas verdrieten
datmer vyndt zal moeten ter plaetsen blyfuen /
* ‘Iu’ interlineair toegevoegd.
Eduard de Dene, Testament rhetoricael
+
124 v