download - Rene van Maarsseveen

253
5 ick ghelooue inden heleghen gheest zoot betame
de helighe Christenlicke ghemeente voorwaer
de ghemeenschap der helighen duer christus Name
vergheuenesse der zonden hoedanich hoe zvvaer
de verRysenesse des vleeschs oock openbaer
10 Ende dat eeuvvich leuen (Amen) der naer
Tot Victoorken voornoomt
Doe ick noch keerynghe
vp dat zy ghevroomt
En ghevppert met Leerynghe /
15 Voort omme Leeren tscryfuene metter Penne
vulbrynghe metten wercken tghescreuen alle bee
ende tghuendt dat goet es / huut tquae wel kenne
hebbe hem gheordonneert dit A: B: C
Noch der naervolghende met claeren beschee
20 diueerssche instructien om vvesen vailiandere
huut Salomons prouerbien huuter wysheden zee
ende van Leerynghen zaecken andere /
A.B.C. Doctrinael
Simpel Rhetoricael
25 Alleene God Eere lof en glorie biedt
god Vader / God zuene / God helich gheest
een god drievuldich / ende drie goden niet
Wien dat hemel eerde / ende helle vreest /
+
Bemint god bouen al / huwen naesten der naer
doet alsoo ghy wildet datmen hu daede
draeght hu godsvruchtelick ende Eerbaer
doet nyemandt schande Leed noch schaede
5 Clouckelick ieghens becuerynghen vecht /
Laet hu * van tvleesch gheenssins verwinnen
staet vroom clouck in tghelooue vpRecht
ende vvilt de weerelt doch niet beminnen
Dancbarich zyt van dies hu god verleent
10 medeelt den aermen van huwen goede
metten blyden verblyd / met die bedrouft zyn Mevveent
Betraut inden heere met vasten moede
Eere ionste vriendschap vader moeder gheeft
doetse bystandt in dhuuterste noodt
15 ieghens hemlieden Liefmoedich Leeft
ende sluut gheenssins voor vrienden Broodt
Flaumoedich te gods dienste niet en zyt
maer zo wanneer ghy des moorghens vpstaet
danct god Loft den heere ghebenedydt
* ‘h’ over ‘v’ geschreven.
Eduard de Dene, Testament rhetoricael
+ 135 r