download - Rene van Maarsseveen

102
Wee hu der houeerdigher Ephrayms croone +
ende die afvallende blomme schoone
20 der eeren / van al haerlieder verblydynghe
die vp thooft des alder vetste dal in persoone
doolden vanden wyne / daer zonder vermydynghe
want metten voeten thuerlieder nederstrydynghe
zal huerlieder Croone vertorden wesen
25 vyndtmen dan noch zulcke mensschen voor douerlydynghe
Laet tschossen brossen met tdroncke dryncken mespresen
Tzyn vyanden van gods cruce alsoo wy lesen
welcker god dat huerlieder buuck es bekent +
den werckman en wordt ook niet Rycke gheresen
30 hy / die van tdroncke dryncken hem niet en spent / +
+ +
maer groot ghebreck zal wesen hemlieden omtrent
die wyn beminnen ende lecker morseelen daer
Dronckenschap maect twist ende paeys zou schendt +
huut dronckenschap volght alle onRedelicheyt naer
5 en waer dronckenschap dueverhandt heeft dats claer
daer en blyft niet secreits noch heymelick yet
dies Raedt salomon om wysheyt winnen voorwaer
wilt den conyngh wyn gheuen te drynckene Niet
vp dat ter aventueren niet tdryncken gheschiet
10 dat zy mochten ontdecken haerlieder secreten +
der ellenden kyndren zaecken veranderen ziet
noch oock dat zy den Rechten niet zouden vergheten
in alle maeltyden ghierich weist niet ghezeten
end en wiltter niet ouer alle spyse tasten +
15 vvant daer huut / en droncke dryncken moetmen weten
met ziecten zult ghy tlichaeme dan ouerlasten
vvie heefter wee / wie zynt die wonden mespasten +
die hemlieden zyn zonder oorzaecke ghegheuen
en zynt niet zeght Salomon die zelfste ghasten
20 die inden wyn thanthierne als dronckaerts Leuen
ende dryncken dat zenuwen ende aderen Beuen
dat de ooghen pulen laeten zy tnat inzyncken
maer wilt ghy ghezondt zyn / ende zaelich ghescreuen
Tfy Dronckaerts tfy Wacht hu van droncke dryncken
25 VVant. tRycke gods / en zullen zy niet verweruen +
die hem zeluen dus met droncke dryncken bederuen
oock die brasseryen ende dier ghelycke hanthieren
dronckenschap doetter vele in zonden steruen
dus metten dronckaerts tetene wilt niet logieren +
30 Wee hu die daer vrouch vpstaet / en dronckaerts manieren
Eduard de Dene, Testament rhetoricael
+ Esai 28.
+ Philip .3.
+
Eccli .19.
+
373 v
+
prouerbi .21.
+ idem .31
+ prouerbi .3.
+ Eccli.37.
+ prouerbi.23.
+ galath.5 o .
+ .1. Corinthe.5.