download - Rene van Maarsseveen

87
den hondslaegher hem dyncke hy es oock wat
10 den beersteker / dat es een werckman bevonden
den mueraere en houd ick voor dit noch voor dat
belyters en ghyleghen gheveynst bewonden
een wyf die langhe heeft gheloopen voor dhonden
wel Connende schieten met Lueghen pesen
15 die een man tuutkens stelt tallen stonden
Al datte en dynct my gheen abelheyt wesen
[Dronckaerts met menich Rootroengich faes]
Dronckaerts met menich Rootroengich faes
vry * drynckende gheen Carperkeyte
slaen altemets huut een vreimdt gheRaes
20 daer tnat ten monde ter nuersen huutspeyte
Refereyn
Ghebuer tmynent wandelt al te vreimt een ghedrulte
ende tes een Cabouterken zoo zeght myn wyf
theeft vooren achter en ter zyden een Bulte
25 tschynt proffytelick en schimpich es zyn bedryf
tbrochte eens tmynent eennen zack vp tdlyf
die was ghelaeden al vul goudin Reaelen
om schults wille had ick noyndt zichtent ghekyf
want tghynck zelue alomme voor my betaelen
+
tian ghebuerken dats goet macht hu niet faelen
neent trauwen / dat weet ick wel want dits zyn woord
als hu ghelt huut es ick zal nieuwe haelen
brast stout en vruechdelick Leift onghestoort
5 van zulck een Cabouterken was noyndt ghehoort
Zomtyds mueghen wy quaelick secretelick clappen
al hyngher lyf an tzoud elcken vertellen
en myn wyf die waende laetst bier ghaen tappen
de thonne was ghevult met ghebraen appelschellen
10 oock ghynck zou eens twee hennen te vettene stellen
tmaectter vp een nacht of Cabuus colen groot
nv anderdaeghs hynghet veel handthauen van Bellen
voor myn duere diet met twyntich sloten sloot
tmaecte my eens twee zwarte schaepen Roodt
15 van spyte dat ick hadde zyn weytien vermoort
eist waer oock ghebuerken / tian iaet vp myn doodt
dies weet ick wel / dat naer zulck een Accoord
van zulck een cabouterken was noyndt ghehoort
* ‘vry’: ‘y’ over ‘o’.
Eduard de Dene, Testament rhetoricael
+ 364 v