download - Rene van Maarsseveen

+
187
end omme te commene in eenen wysen Treyn
30 vreest god den heere / myn Refereyn wilt Lesen
Dwelck ick hulieden ionnende bem Certeyn
Refereyn
Een es die hooghste maecker van allen dynghen
zeere tontziene als Conyngh almachtich
bouen der wysheyt troone heeft hy tbedwynghen
5 een heerschappende god / groot in zyn omRynghen
de welcke wy om vreesen / zyn moeten achtich
vvant de vreese des heeren / die es warachtich
een glorie / en bequamelicke blydschap mede
een Croone der verhueghynghen / want eendrachtich
10 tsheeren vreese / zal verhueghen der herten stede
tes een Croone der wysheyt vervullende vrede
vruecht can zou in Lancheyt der daeghen gheuen
// dus wie den heere vreesen met dancbaerichede
inden huutersten zal die zyn wel ghebleuen
15 en ghebenedydt ten daeghe zyns doods verheuen
want vreese des heeren can zonde verIaeghen
die den heere vreest zalt wel verghaen int leuen
vulle wysheyt eist / god vreesen tallen daeghen
ghelooft in god end hoopt in hem dies / zonder versaeghen *
20 houd zyn vreese vast / ende vercryghter in grysheyt
want naer dheligher Schriftueren claer ghewaeghen
De vreeze des heeren / Es tbeghin der wysheyt
Zaelich es zulck vreesende menssche ghepresen
in des heeren vreese / Es stercheyts betrauwen
25 voor becuerynghen beschermt / worden wy ghenesen
vreesen wy god / ons zullen veel goe dynghen wesen +
en tsheeren inghel zal ons verlossen huut Rauwen
ende ziet des heeren ooghe zal schauwen
vpde ghuene die hem vreesen tot alder tydt
30 ende die hopen vp dat bermhertich bedauwen
des heeren iesu christi eeuwich ghebenedydt
tot zulcken van gheslacht tot gheslachte wydt
es zyne bermherticheyt zeere gheneghen
vreest / die ziel en Lichaem zenden mach zonder Respyt
35 ter hellen eeuwich onghenaedeghe weghen
* ‘versaeghen’: ‘h’ over ‘l’.
Eduard de Dene, Testament rhetoricael
+
259 v
+ Thobie /