download - Rene van Maarsseveen

27
noch den apostel niet meerder es nemmermeere
35 dan die hem ghezonden heeft / dus hoe ghezeten
ouerpeynst iesus woorden / voornoomt tallen keere
Dat Ick doe / weit ghy nv niet / maer zult naermaels weten /
++ Eist dat ghy dit weit / heeft iesus ghesproken voort
zalich zyt ghy / eist dat ghy dat doet / maer hoort
Ick en zegghe niet van hu allen mids desen
want ic weet myn huutvercoren / maer vp dat elck woord
5 der heligher schriftueren vervult zoude wesen
die brood met my eit / heeft Ieghens my vpgheresen
zyn hielen / hu nv zegghict / eer dat gheschien zal
vp dat / alst es gheschiet / vvie contrarie Lesen
dat ict bem / ghy dan wel / mueght gheloouen al
10 voorwaer voorwaer zey noch Iesus int eerdsche dal
die daer ontfanct / wien dat ick zal zenden
ontfanght my / en die my ontfanght in zyn ghetal
ontfanght hem die my ghezonden heeft zonder henden
zyn disciplen / tverstandt / hier of doncker noch kenden
15 end als iesus dees woorden heeft willen ontlaeden
als ghestoort inden gheest / heeft gheseyt tdier benden
voorwaer voorwaer zegghick hu zonder verspaeden
dat een van hulieden my zal verRaeden
zyn disciplen/ viel dit int hooren onzochte
20 elck andren anziende / verwondert zulcker daeden
want twyffelden van wien dat hyt zegghen mochte
dit te wetene inwendich / Beroert elck wrochte
Nu daer was een van iesus discipelen goet
die in iesus schoot Ruste / dies pietere dochte
25 dien te wynckene / end heeft hem gheseyt metter spoet
van wien eist / vanden welcken hy zegghynghe doet
pieter hadde iesus woorden / noch niet vergheten
maer onderzochtse / als hy sprack met woorden zoet
Dat ick doe / weit ghy nv niet / maer zult naermaels weten
30 Dus als dese / die vp iesus borst / Ruste inden schoot
den welcken iesus lief hadde Tot inde doodt
zeyd hem heere / wie eist / iesus andwoorde gent
die eist / die ick zal Reecken dit ghedopt broodt
end als hy tbroodt ghedopt hadde / zy al omtrent
35 heeft ghegheuen iudas symon schariothis bekent
maer naer de brocke vpquam hem een groot ghequel
vvant in hem es Sathan / gheghaen en belendt
dies zeyd hem iesus / dat ghy doet / doet haestelick snel
+ Fol. 163 r, r. 35 ‘iudas ... schariothis’ onderstreept.
Eduard de Dene, Testament rhetoricael
+ 163 r