download - Rene van Maarsseveen

zo langhe ick hier ziet wuenen zal
ende myn herte / dat es nv warachtich
in my beroert int eerdsche dal
245
20 Ghelyck een schaeuwe wech henenvaert
bem wech ghenomen hoe hoogh ghezeten
en byder doodt / die nyemandt spaert
als die sprynchanen / worde huut ghesmeten
Cranck end onsterck zyn myn knyen versleten
25 van vastene / dies myn cracht begheeft
ende myn vleesch / (zoo ick can zelue weten)
es magher / Als dat gheen vet en heeft
End Ick bem gheworden huerlieder spot
zy schudden haer hooft / als zy my zaeghen
30 staet my by heere Mynen god
gheneest my / met hu bermherteghe vlaeghen
en zy zullen weten tot allen daeghen
// dat dit hu hand es (hoe bezocht)
twelcke ghy heere / gheel naer hu behaeghen
35 hebt ghedaen / ende in my vulbrocht /
+ Vermalendyden zo zullen zy
ende ghy zult ghebenedyden
die Ieghens my vpstaen heere ghy
Laetse beschaemt zyn Tallen tyden
5 // Maer huwen knecht zal hem verblyden
die achterclap my doen int woord
met beschaemtheyt (als die my benyden)
moeten zy Anghedaen zyn voort
En met haerder schanden ghecleed ghegord
10 als met een wambaeys ghelyck ghebleken
Ick zal den heere neerstelick vp en Cort
belyden / zyn prys onder vele spreken
vanden aermen / es hy gheenssins gheweken
maer stondze by ter Rechter handt
15 vp dat hy vanden quae vervolghers treken
zoude verlossen myn ziele Want /
Glorie zy den vader groot
zyn zuene / daer naer goederthierich
dhelighe gheest / Troost tonser nood
20 drievuldich tsaemen / end onfaelgierich
Alsoo die glorie / Manierich
Was / Es / ende blyft / zonder hendt
in eeuwicheyt / Liefmoedich ende vierich
in een / Eengoddelick Consent /
Eduard de Dene, Testament rhetoricael
+ 130 r