download - Rene van Maarsseveen

171
20 huut ooste / te iherusalem / zegghende int vraeghen
waer es die / die wy zo gheerne zaeghen
die gheboren es conyngh der ioden voorwaer
ende zeyden stoutelick zonder vertraeghen
want wy hebben ghezien zyn sterre claer
25 int ooste schynende ende blynckende Eenpaer
ende wy zyn ghecommen om hem Anbeden
Herodes den conynck dit hoorende naer
+
was beroert / end al iherusalem met hem tonvreden
vergaderende princhen der priesterlicker zeden
en an gheleerde des volcx / onderzouck heeft ghedaen
waer christus gheboren zou zyn in waerheden
5 ende dese spraecken tot hem / naer zyn vermaen
in bethleem iuda / naer onslieder verstaen
vvant zoo eist duer den prophete ghescreuen
maer al herodes voortstel / bleef tondere waen
Een kyndt es ons gheboren / End onslieden ghegheuen
10 En ghy Bethleem inne * dat iuedsche landt
ghy zyt niet de minste in gheender manieren
onder alle de princhen van iuda / Want
huut hu zal huutghaen / een leedtsmans hanthieren
die myn volck van israel zal Regieren
15 herodes heymelick doe Roupende zonder Respyt
de conynghen voornoomt / in een neerstich bestieren
heeft hy onderzocht huerlieder sterre tydt
die huer hadde gheopenbaert verre ende wydt
dies herodes / wien therte int verlanghen pynde
20 zandt den conynghen naer bethleem / zegghende verblydt /
ghaet / ende vraeght neerstelick vanden kynde
ende als ghyt ghevonden hebt / al waer zynde
Laet my wederweten / en comt doets my Rappoort
vp dat ick commende / end icker tkyndt vynde
25 hem minnelick annebeden mach Rechtevoort
welcke cuenynghen / hebbende herodes ghehoort
hebben omme vertrecken ghereedschap Bedreuen
maer hoe herodes fletse / om tkyndt thebben vermoort
Een kyndt es ons gheboren / End onslieden ghegheuen
30 Ende ziet de sterre die hadden ghezien
de conynghen int ooste / Als blynckende glas
voorghynck hemlieden / alsoo dat wilde gheschien
tot dat zy commende stondt bouen / daer tkyndeken was
* Vóór ‘inne’ is ‘Iuda’ doorgehaald.
Eduard de Dene, Testament rhetoricael
+ 416 r