download - Rene van Maarsseveen

32
die inder weerelt waeren / Liefmoedeghe leerynghe
heeft hemlieden vercondicht / teender troostbaerheyt vry
+
om verlichten huerer herten huut benauder verzeerynghe
Kynderkens noch een Lettel tyds in vermeerynghe
sprack hij bem ick met hulieden / en zult my zoucken Reyn
ghelyck Ic den Ioden zeyde / doe ick thuwaerts keerynghe
5 daer ick henen ghae /en mueghdy niet commen Certeyn
end hulieden zegh ick nv / int eerdsche Pleyn
Een nieu ghebod gheef ick hu om voort an beghinnen
ghelyck ick hu hebbe lief ghehad / naer den zelfsten treyn
dat ghy zoo elck andren liefhebt / ende wilt Beminnen
10 daer in zullen zy alle ter weerelt Binnen
kennen dat ghy myn warachteghe disciplen zyt
Laet hu herten niet ontstelt zyn / noch huwe zinnen
ghelooft ghy in god / in my ghelooft ghy / oock talder tydt
in thuus myns vaders groot almachtich ghebenedydt
15 zyn veel wuenynghen / waert anders ick hadt hu gheseyt
Want ick gha gheel Liefmoedelick zonder Respyt
om hu plaetse te bereedene By dhooghste magesteyt
ende eist dat ick wech ghae duer myn liefmoedicheyt
end hu plaetse zal bereed hebben / thuwer vrede
20 zo com ick wederomme / en zal zonder huwen aerbeydt
hu nemen tot my zeluen / vp dat ghy in warachtichede
mueght zyn / daer ick bem in die hemelssche stede
zoo ick bem die wech de waerheyt ende tleuen mede
nyemandt comt totten vader / dan duer my dats claer
25 en duer ander gheene
Dat Ick tot hulieden zegghe / Allen mensschen voorwaer
zegh ict oock ghemeene
Zonder my en es gheen god Want bem god der goden
totten hende des weerelts word ick by hu bleuen
30 eist dat ghy my lief hebt onderhoud myn gheboden
ick zal den vader bidden duer myn name verheuen
end hy zal hu eennen anderen troostere gheuen
vp dat die met hulieden inder eeuvvicheit blyfue
Ick en zal hu gheen weesen laeten / maer int Leuen
35 zal ick tot hulieden commen in liefmoedeghen motyfue
+
den trooster end helighen gheest in bedryfue
die den vader zenden zal in mynen name
Eduard de Dene, Testament rhetoricael
+ 166 r
+ 166 v