download - Rene van Maarsseveen

275
Theeft Remedie / om cryghen nieu haer gheschot
Calaengne meyskens dies niet Lichte begheerdse
vvacht hu van tgheestelick gheetecot
20 maegdekens van hu weertse
maer als tgaeyken of es / schiet vry naer de peertse
Zot Refereyn
Hoort. al ghy ghildekens ende veel ioncwyfs hoort
comt al in myn kethel / elck zeght anderen voort
25 Roupt medea methamorphosighe goddinne
Comt medusa word myn hulpe / met een inckel woordt
mids den smeder Vulcanitich in heeter Minne
comt ghildekens comt. Comt ten eersten beghinne
senypoerken zult indryncken meer dan een Onche
30 in myn kethel moetie zitten dan totten kinne
end hu blootshooft ontdecken dan in myn Fronsse
+
ghy zult schynen vernischt duer apelles ponche
comt al waert ghy vanden hoofde totten voeten besmet
comt ghildekens in tyds Comt doch eer ick Ronsse
In myn Ketel comt ghildekens Cuusch ick net
5 Comt ghildekens comt / Comt al in myn kethele
bezitten myn brandeghe heetcoeleghe zethele
niet een haer zult ghy hebben / dat hu doet spyt
van dat ick hu voorlichame wat benethele
ghy wordtter gheel verauerecht in corter tydt
10 Comt ghehaerde oft alf gheschoorne / wie dat ie zyt
of die thaerken te crueckelen pleight vp stocxkens
van die moeyte word verlost ghy / Comt hu zeluen quyt
comt oock ghewimbraeude Corthieleghe * mocxkens
Comt schoeliekens vanden Neapolitaenssche brocxkens
15 al zyt ie onReyn besmatert oncuusschich onder zet
Comt ick zal hu ouersloouen keelcoordeghe clocxkens
In myn kethel comt ghildekens Cuuschick net
Comt Alle wiltIaeghers in venus warandekens
Comt ghildekens comt Ionghe Lammertandekens
20 comt die zeer gheerne tRuwe schortcleedt Angord
comt die den dach meest huutdraeghen met mandekens
Comt / in myn kethel word ghy gheCuuscht vp en Cort
* ‘Corthieleghe’: ‘C’ over andere letter.
Eduard de Dene, Testament rhetoricael
+ 308 v