download - Rene van Maarsseveen

192
Wacht hu voorzienlick wel vanden valssche propheten +
die zomtyds in scaeps cleederen Commen tot dy
25 end invvendich zo zynt / dit moet ghy weten
grypende wulfuen die donnoosele Eten
en van allen Lasten willen zy wesen vry
wacht hu voor de scriben / die langh ghecleed commen by +
die gheerne vp de marct zyn ghegroet / ghepresen
30 die zoucken dat hem ter tafelen tvoorzitten zy
en die ter synaguogen zoucken tzijne gheresen
en de welcke dusdaenich verslynden int wesen
der weduwen huusen met onRedenlicheden
Ia mesleedense looselick bouen desen
35 onder tbedecxsels van Langhe ghebeden
++
wacht hu oock vanden deessem tot elcker steden
der pharizeen ypocritich gheveynst bedwanck
oock van herodes deessem / wacht al hu Leden
en van Loftuters / die gheerne dienen om danck
5 den cleenmoedighen troost / end ontfanght die zyn Cranck +
Laet gheen aerch huwen broeder int herte zyncken +
schuut ghulseghe verquisters in heeten dranck
ende wat ghy doet / hebt altoos een achterdyncken
Schuut de spyteghe Vasti / laet brezaida flyncken
10 end oock alle bachus / ende venus scholieren
schuut snossen / die den laetsten pennyngh verdryncken
nachtloopers Ledichghanghers oude Putieren
end hoe ghy doolt ofte suckelt in hu Regieren
ongheoorzaemich tast niet naer tverboden Fruut
15 dats ouertard gods ghebod in gheender manieren
end als ghy tsmoorghens ghaet thuwer dueren huut
Ghy ionghe mannen ghehuvvet ofte onghehuvvt
Quaet ghezelscap / End oneerbare vrauwen schuut
Aucteur
20 Ghy ionghe dansserkens weeck in tverstandt
ziet in tyds toe / Wat hu gheschiet
der hoeren eers / des dobbelaers handt
Peerds voet / noch oock Wulfs tant
Betrautter gheene van vieren niet
25 Oft hu word schande / schae / of verdriet
dies dees * Wyselick vliedt
Worpt slaet / steict / tard / dreeght / eennen hondt
zaen Rasch ter stondt
+ Fol. 262 v, r. 22 ‘hoeren eers’, ‘dobbelaers handt’, 23 ‘Peerds voet’, ‘Wulfs tant’ onderstreept.
* ‘dees’: ‘s’ over andere letter (b?).
Eduard de Dene, Testament rhetoricael
+ mathei/7
+ marci .12.
+ 262 v
+ 1 thessa 5 //
+ zacha / 7