download - Rene van Maarsseveen

76
Eerst ende aluooren / Een / god den vadere
Touchierende / mueghende machtich groot
die hemel end eerde Regiert algadere
die ons verleendt heeft vleesch bloed end adere
30 Ende die ons gheeft / ons daghelicx broodt /
+
Refereyn
God Vadere
Een god. esser / Een doopsels / ende Een ghelooue
Een god die ons alder eerst wilde beminnen
5 een god / die gheneest Blende Crepel en dooue
een alleene god gheuer van onse vyf zinnen
een god / die onse vyanden Can sterck verwinnen
een god wiens wille wy niet mueghen wederstaen
een Rycke gheuer wiens Rycdom blyft zonder dinnen
10 een god / die int helich helighe / es eens ingheghaen
een god van wien wy zullen tsamen oordeel ontfaen
ofte vvy worden behouden / of verdomt ghescreuen
Een god die ons zal ouercommen zaen
een god die zal bouen Eeuvvicheyt Leuen
15 een god voor wien hemel / eerdsch / end helsche beuen
Ons hope stercte toevlucht / in al ons ghequel
een god die al dat leeft / heeft tleuen ghegheuen
een god diet al vuldaen heeft / ende nyemandt el
Een god wien alle dynghen zyn mueghelick wel
20 een god die metten mensschen heeft ter weerelt verkeert
een god oetmoedich Totter crucen doodt niet Rebel
vvech vvaerheyt ende Leuen / die ons vaderlick Leert
Een god van neghen Chooren der inghelen gheEert
Een god in Wiens handen zyn onse Tyden
25 een god / wiens bermherticheyt / ouer ons es vermeert
een god die voor ons de bitter doodt wilde Lyden
een god daer alle Rechtueerdighe in verblyden
Een god / die zeght / ick bem die heere / dats myn name
vreest niet / betraut / met hu bem ick zonder vermyden
30 gheen andren zal ick gheuen myn eere Eersame
voor my en es gheen god ghemaect bequame
en naer my en zal wesen gheen in memorie
zyn dit de woorden gods dan Alsoot betame
Alleene zy god / Eere ende glorie
+ Ghebenedydt zy dan god den heere almachtich
danck grootheyt / eere / macht behoort hu alleene
vvant watter zy in dhemel / Tes huwe hoe crachtich
en watter oock vpder eerden es / groot ende Cleene
Eduard de Dene, Testament rhetoricael
+
28 v
+ 29 r