download - Rene van Maarsseveen

138
haer wynstocken verslouch hy / en de boomen ghestaen
bin haer paelen / die brack hy dus creghen noodt
5 van huer eerste gheboorne / nyemandt ontvloot
god den heere die slougse bin haerlieder lande
haer vruchten zyn vanden sprynckhaenen ghedoodt
end hadden benautheden menegherhande
vvy mueghens ons dies wel spreken schande
10 en god dancken die hebben veel zonden bedreuen
ende nochtans ghespaert huut doodlicken bande
dies zeg ick en stelder tlyf vooren te pande
Tes wel gods gratie dat wy noch leuen
Punitien by plaeghen in tyden voorleden
15 heeft god laeten gheschieden als zynde ghestoort
Eerst Caym verslaegher zyns broeders leden
wierd zelue daer naer van Lamech vermoort
de steden zodoma Gomorra versmoort
Sichen deerlick van Iacobs broeders versleghen
20 al dat manlick in tstede was / daer naer voort
zy zyn oock tot vermoordynghe gram * bedeghen
Pharao hartneckich tot moysen gheneghen
met zyn heyrCracht inder Roo zee verdranck
Nadab Abihu Brandeghen doodt ghecreghen
25 Chore dathan en abyron / ter hellen elck zanck
iahel duernaeghelde Sysara stranck
duer zyn heerssenen / dies heeft oock de doodt beseuen
zo ken ick dan myns leuens daeghen lanck
en zegghe / zyn dese dus ** huut tsweerelts ghanck
30 Tes wel gods gratie dat wy noch leuen
Princhelick
God heere ghij zyt *** de ghuene
die hebt ouer tsteruen ende Leuen macht
ons stercte onsen toevlucht oyndt zoo ghewuene
+
ghy zyt de god die wonderlicheden schacht
ons tyden zyn in huwer handen Cracht
hu macht hebt ghy den volcke ghemaect bekent
en duer huwen name alder stercxst gheacht
5 es verlossynghe hemlieden gheweist omtrent
tes Redene dat wy dan tot inden hendt
hem eere Lof ende dancbaericheyt gheuen
* ‘gram’: ‘m’ over ‘n’.
** Vóór ‘dus’ ‘h’ doorgehaald.
*** ‘zyt’: ‘y’ over een eerste, gevlekte ‘y’.
Eduard de Dene, Testament rhetoricael
+ 396 v