download - Rene van Maarsseveen

42
30 dronckenschap weert de vreese gods Tallen weghen
Gheen dronckaerts zullen gods Rycke verwerfuen
Hier Voortyds ghezonden een prophete des heeren
anden conynck ieroboam / maer moeste wederkeeren
zonder eten of dryncken /
+
ende hy en dedes niet / dus quam int verzeeren
een Leeu verschuerd hem / * vpden wech inde Cleeren
end als pryen die styncken
was tlichaem vpden wech gheworpen / om ghedyncken
5 hoet dheere meshaegde / dat hy hadde zoo mesdaen
Iobs kyndren die quamen om dranck inzyncken
ten huuse schyncken
van hueren oudtsten broedere daghelicx gheghaen
dies dheere zaen
10 wierdt vergramt / ende wildese plaeghelick slaen
brasserende tsaemen met dranck end ouerEten
de vier weeghen vanden huuse / eerst Rechte ghestaen
vvierden haestlick tempeestelick te gader ghesmeten
thuus ommegheworpen / en dier waeren ghezeten
15 ter tafel om schocken brocken / ter causen van desen
zynder onder versmoort / dronckaerts laet ick hu weten
Sober zyt / Ende wilt waeckende wesen
Balthazar Conynck van babylonien crachtich
hadde ghenoodt duusent edele machtich
20 tzynder tafle breed
met zyn wyfs ende Concubinen dronckiachtich
drynckende den wyn ouervloedich versmachtich
wierdt ontsteken heet
in dronckenschap / dies goudin zeluer vaeten ghereed
25 zyn cnaepen te halene alsdoe heeft bevolen
die zyn vader Nabugodonosor wreedt
zonder eenich bescheed
hadde inden tempel te iherusalem ghestolen
en droncker huut onverholen
30 maer balthazar quammer corts daer naer in dolen
een hand openbaerd hem daer binden wycke
schreef Mane. thetel. phares tzynder droncker scholen
Bediedende het haestich verghaen van zyn Rycke
end hy vervult metten vuyldronckeghen slycke /
* Na ‘hem’ fungeert de doorgestreepte schacht van een letter als schuine streep.
Eduard de Dene, Testament rhetoricael
+ 337 v