download - Rene van Maarsseveen

34
zonder my mueght ghy doen gheenderhande exploot
maer huwe droufheyt die zal verkeeren in vruechden
ick bem vanden vader vul Liefmoedeghe Iuechden
10 huutgheghaen / en ghecommen inder weerelt Logieren
wederom verlaet ick de weerelt / omme meer duechden
ende ghae totten vadre huwe plaetse verchieren
ziet de huere es ghecommen / by voorgheschicte * manieren
dat ghy verstroyt zult worden / een yeghelick in tzyne
15 my verlaeten alleene in hulieder hanthieren
maer bem alleene niet / maer de vader es met my / Myne
inder weerelt zult ghy hebben benautheyt / en Pyne
maer betraut / de weerelt heb ick verwonnen ten fine
dus vertroostende zyn disciplen / sprack openbaer
20 iesus van Nasareene
Dat Ic tot hulieden zegghe / Allen menschen voorwaer
zegh ict oock ghemeene /
Prinche
Doe sprack christus Talder liefmoedicheyt ghewuene
25 inden gheest verheuen Totter inghelen schare
Vader / de huere es ghecommen / verclaert huwen zuene
vp dat huwe zuene hu insghelycx verclare
ghelyck ghy hem hebt ghegheuen int openbare
macht ouer alle vleesch in EerdeRycke
30 vp dat alle de ghuene tsaemen Teenegare
die ghy hem ghegheuen hebt / nyemendt en bezwycke
maer het eeuwich leuen gheue / vry van verzycke
en dit es dat eeuvvich leuen / zonder eenich Cesseren
dat zy hu bekennen / als gheen huwer ghelycke
35 den eeneghen warachteghen god int domineren
ende oock den ghuenen kennen int Accorderen
+
die ghy ghezonden hebt / iesum Christum goet
helighe vader // zoo was christus godsvruchtich contempleren
Bewaertse in huwen name / en de handt niet of en doet
die ghy my ghegheuen hebt / vp dat zy thuwer spoet
5 mueghen een ghelyck wy zyn / int toecommende termyn
end heeft voorts gheseyt / tot zynen discipulen vroedt
Ghy weit dat naer twee daeghen / zal paesschen zyn
en de zuene des mensschen / om Lyden groot ghePyn
zal gheleuert worden / om ghecruust tzyne pynlick zwaer
10 ziet toe waect en bidt groot en cleene
* Oorspronkelijk stond er alleen ‘gheschicte’; ‘voor’ is interlineair bijgevoegd.
Eduard de Dene, Testament rhetoricael
+ 167 v