download - Rene van Maarsseveen

172
++ die sterre ziende / elck doe van drucke ghenas
en verblydt zyn gheweist met grootter Vruecht
thuus inghaende / daer vonden zy vp tzelue pas
tkyndt met maria zyn moeder / vul alder duecht
5 nedervallende / anbaeden tkyndt goddelicke iuecht
en hebbende gheopent huer schoot menichfout
hebben tkyndt gheoffert ghiften / zoo elck heeft vermueght
Te wetene Mirre Wieroock ende Goud
en inden slaep / ontfanghende andwoordelicken Cout
10 dat zy niet weder zouden tot herodes keeren
duer een anderen wech Onbevreest ende stout
zyn weder in huer Landschap ghekeert met Eeren
in herodes moest doe groot verlanghen vermeeren
die tkyndeken zochte / om beRoouen tleuen
15 maer wat Raedt zyn princhen hem mochten leeren
Een kyndt es ons gheboren / End onslieden ghegheuen
Prinche
Ghegheuen // ghebleuen // als tsmensschens behoedere
vvaer // naer // doude vaders hadden langhe ghebeyt
20 ghecoestert // ghevoestert // by maria zyn moedere
diet cloucxkens // vp doucxkens // vp hoy heeft gheleydt
god der goden // gheboden // milde end onbeCreyt
minnelick // voorzinnelick // huer borstkens zoet
Tzoch ghuesende // luesende // huuten borstkens voorseyt
25 was byden welcken // Telcken // tskynds durst wierdt gheboet
prophetelic // discretelic // zoo voorts vppeghevoedt
dach en nacht // tkyndt bewacht // voor dangier of ghequel
dicwils cussende // sussende // met grootter oetmoedt
zoot behoufde // hem toufde // zou moederlick wel
30 die vleesch doodt // weerelt groot // heeft verwonnen snel
duer tlaeten // tonser baeten // zyn bloedt precieux
dies wy // vry // huut een goetionstich voortstel
+
Bieden danck // eeuvvich lanck // der moeder amoureux
die van tkyndt // naer tbevyndt // was zeer Curieux
moeder maeght // onversaeght // Reyn van hem ghebleuen
dies belyde // Tallen tyde // noch huut herten Coragieux
5 Een kyndt es ons gheboren End onslieden ghegheuen
Euangelion Vpden Tweetsten
zondach inde Vastene
Van tVrauken Van Cananee +
+ Fol. 416 v, r. 8 (woorden in humanistisch schrift) onderstreept.
Eduard de Dene, Testament rhetoricael
+ 416 v
+ 417 r
+
Mathei .15.